Car Market: मारुती सुझुकी आपल्या 'व्हिजन 3.0' या धोरणाचा भाग म्हणून दोन नवीन 7-सीटर गाड्या लाँच करण्याच्या तयारीत आहे. यामध्ये ग्रँड विटारावर (Grand Vitara) आधारित एक प्रीमियम SUV (Y17) आणि एक पूर्णपणे नवीन इलेक्ट्रिक MPV (YMC) यांचा समावेश आहे.
यासाठी कंपनी SUV, हायब्रीड आणि इलेक्ट्रिक वाहनांवर (EV) जास्त लक्ष केंद्रित करत आहे. याचाच भाग म्हणून, मारुती सुझुकी अनेक फेसलिफ्ट्ससोबत एक नवीन प्रीमियम 7-सीटर SUV आणि एक तीन-रो असलेली इलेक्ट्रिक MPV लाँच करण्याच्या तयारीत आहे.
27
कुटुंबांसाठी सर्वाेत्तम
मारुतीची ही दोन नवीन थ्री-रो मॉडेल्स, चांगलं मायलेज आणि पर्यावरणपूरक गाड्या शोधणाऱ्या कुटुंबांना डोळ्यासमोर ठेवून बनवली आहेत. नवीन 7-सीटर SUV ला 'Y17' असं कोडनेम दिलं आहे आणि ती ग्रँड विटारावर आधारित असेल. तिचं प्लॅटफॉर्म, पॉवरट्रेन, फीचर्स आणि डिझाइन हे सर्व ग्रँड विटारावरूनच घेतलं जाईल.
37
नवीन इलेक्ट्रिक MPV
तर 'YMC' कोडनेम असलेली नवीन इलेक्ट्रिक MPV, e-Vitara च्या 27P स्केटबोर्ड आर्किटेक्चरवर तयार होईल. 7-सीटर ग्रँड विटारा या वर्षाच्या अखेरीस लाँच होण्याची शक्यता आहे. पण, मारुती YMC इलेक्ट्रिक MPV 2026 च्या अखेरीस सादर होईल आणि 2027 मध्ये विक्रीसाठी उपलब्ध होईल.
समोर आलेल्या स्पाय शॉट्सनुसार, 7-सीटर ग्रँड विटारा सध्याच्या 5-सीटर मॉडेलपेक्षा जास्त लांब असेल. अतिरिक्त सीटच्या रांगेसाठी हा बदल करण्यात आला आहे. तिचं बहुतेक डिझाइन आणि फीचर्स 5-सीटर ग्रँड विटारावरूनच घेतले जाण्याची शक्यता आहे. इंजिनबद्दल अधिकृत माहिती अजून आलेली नाही.
57
स्ट्रॉंग हायब्रीड इंजिन
पण, ग्रँड विटारामध्ये असलेलं 103 bhp पॉवरचं 1.5 लीटर K15C पेट्रोल माईल्ड हायब्रीड आणि 115 bhp पॉवरचं 1.5 लीटर ॲटकिन्सन सायकल स्ट्रॉंग हायब्रीड इंजिनच या नवीन SUV मध्येही दिलं जाण्याची शक्यता आहे.
67
मारुती इलेक्ट्रिक MPV
मारुती इलेक्ट्रिक MPV (YMC) च्या टेस्टिंग दरम्यान, तिचं डिझाइन e-Vitara पासून प्रेरित असल्याचं स्पष्ट झालं आहे. एअर इनटेक असलेला फ्रंट बंपर, फ्लश डोअर हँडल्स आणि एअरो-ऑप्टिमाइज्ड अलॉय व्हील्स ही प्रमुख आकर्षणं आहेत. पण, e-Vitara च्या तुलनेत तिचे बॉडी पॅनेल्स जास्त आकर्षक दिसतात. मागच्या बाजूला, टेललॅम्प्स लांब डिझाइनमध्ये आहेत, जे पाहून अर्टिगाची आठवण येते.
77
मारुती YMC
आगामी मारुती YMC मध्ये, e-Vitara मध्ये असलेले 49kWh आणि 61kWh चे बॅटरी पॅकच वापरले जाण्याची शक्यता आहे. पण, गाडीचा आकार मोठा आणि वजन जास्त असल्यामुळे, कंपनीने सांगितलेली ड्रायव्हिंग रेंज e-Vitara पेक्षा थोडी वेगळी असू शकते.
