Car Market: भारतातील सर्वात लोकप्रिय 7-सीटर गाडी, मारुती ईको, जूनपासून 30,000 रुपयांपर्यंत महाग होणार आहे. जाणून घ्या या गाडीबद्दल आणि तिच्या वाढलेल्या किंमतीबद्दल सर्वकाही.
भारताच्या 7-सीटर सेगमेंटमध्ये अनेक गाड्या आहेत, पण एक मॉडेल आहे जे मल्टिपल युटिलिटी व्हेईकल म्हणून खूप विकलं जातं. ही गाडी म्हणजे मारुती ईको. दर महिन्याला सरासरी 12,000 पेक्षा जास्त ग्राहक ही गाडी खरेदी करतात.
27
सध्याची किंमत
या गाडीची सुरुवातीची किंमत फक्त 5.21 लाख रुपये आहे. इतकंच नाही, तर ही सर्वात स्वस्त 7-सीटर सीएनजी गाडीसुद्धा आहे. अनेक वर्षांपासून कंपनीच्या विक्रीत या गाडीने मोठा वाटा उचलला आहे.
37
किंमतीत वाढ
आता या गाडीची किंमत वाढणार आहे. कंपनीने जूनपासून 30,000 रुपयांपर्यंतची दरवाढ जाहीर केली आहे. ही वाढ मॉडेल आणि व्हेरिएंटनुसार वेगवेगळी असेल. वाढता इनपुट खर्च आणि महागाईचा दबाव यामुळे ही दरवाढ करत असल्याचं मारुतीने म्हटलं आहे. याचा थेट परिणाम मारुती ईकोच्या किंमतीवर होईल.
कंपनीने 30,000 रुपयांपर्यंतची दरवाढ जाहीर केली आहे. याचा अर्थ, किंमत 30,000 रुपयांपेक्षा जास्त वाढणार नाही हे स्पष्ट आहे. व्हेरिएंटनुसार ही दरवाढ वेगवेगळी असेल. शक्यता आहे की, बेस व्हेरिएंटच्या किंमतीत सर्वाधिक वाढ होईल, तर टॉप व्हेरिएंटच्या किंमतीत सर्वात कमी वाढ दिसेल.
57
नवीन मारुती ईकोची वैशिष्ट्ये
मारुती ईकोमध्ये के-सीरिज 1.2-लीटर इंजिन आहे. याचं पेट्रोल इंजिन 80.76 PS पॉवर आणि 104.5 Nm टॉर्क निर्माण करतं. तर CNG इंजिन 71.65 PS पॉवर आणि 95 Nm टॉर्क देतं. कंपनीच्या दाव्यानुसार, टूर व्हेरिएंटमध्ये पेट्रोलवर 20.2 km/l आणि CNG वर 27.05 km/kg मायलेज मिळतं. पॅसेंजर व्हेरिएंटमध्ये पेट्रोलवर 19.7 km/l आणि CNG वर 26.78 km/kg मायलेज मिळतं.
67
सुरक्षितता
ईकोमध्ये सुरक्षेचे सर्व नियम पाळणारे 11 सेफ्टी फीचर्स आहेत. यात रिव्हर्स पार्किंग सेन्सर, इंजिन इमोबिलायझर, चाइल्ड डोअर लॉक, सीट बेल्ट रिमाइंडर, EBD सह ABS आणि सहा एअरबॅग्जचा समावेश आहे. ईकोला आता नवीन स्टीयरिंग व्हील आणि डिजिटल इन्स्ट्रुमेंट क्लस्टर मिळतो. हे दोन्ही पार्ट्स एस-प्रेसो आणि सेलेरियोमधून घेतले आहेत. जुने स्लाइडिंग एसी कंट्रोल्स बदलून आता नवीन रोटरी युनिट्स दिले आहेत.
77
चार मुख्य व्हेरिएंट
ही गाडी 5-सीटर, 7-सीटर, कार्गो, टूर आणि रुग्णवाहिका (Ambulance) अशा चार मुख्य व्हेरिएंटमध्ये खरेदी करता येते. गाडीची लांबी 3,675mm, रुंदी 1,475mm आणि उंची 1,825mm आहे. रुग्णवाहिका मॉडेलची उंची 1,930mm आहे. व्हॅन सेगमेंटमधील गाडी असल्यामुळे तिचा वापर स्कूल व्हॅन, हॉस्पिटल व्हॅन आणि व्यावसायिक प्रवासी वाहतुकीसाठी केला जातो.
