Utility News

BSF हेड कॉन्स्टेबल मेगाभरती 2025!, 1121 जागांसाठी संधी; अर्ज प्रक्रिया 24 ऑगस्टपासून सुरू

Published : Aug 25, 2025, 05:43 PM IST

सार

सीमा सुरक्षा दल (BSF) ने हेड कॉन्स्टेबल पदांसाठी 1121 जागांसाठी भरती जाहीर केली आहे. 24 ऑगस्ट 2025 पासून 23 सप्टेंबर 2025 पर्यंत अर्ज करा. निवड प्रक्रियेत शारीरिक चाचण्या, संगणक आधारित परीक्षा आणि कागदपत्र पडताळणीचा समावेश आहे.

BSF Bharati 2025: भारतीय सैन्यात भरती होण्याचे स्वप्न पाहणाऱ्या तरुणांसाठी एक सुवर्णसंधी चालून आली आहे. सीमा सुरक्षा दल (BSF) मार्फत हेड कॉन्स्टेबल पदांसाठी भव्य भरती जाहीर करण्यात आली आहे. ही भरती मोहीम २४ ऑगस्ट २०२५ पासून सुरू होत असून, २३ सप्टेंबर २०२५ ही शेवटची मुदत आहे.

रिक्त पदांचा तपशील

या भरतीअंतर्गत एकूण 1121 पदांची भरती केली जाणार आहे:

हेड कॉन्स्टेबल (RO) – 910 जागा

हेड कॉन्स्टेबल (RM) – 211 जागा

निवड प्रक्रिया कशी असेल?

उमेदवारांची निवड पुढील टप्प्यांद्वारे केली जाईल:

शारीरिक मानक चाचणी (PST)

शारीरिक कार्यक्षमता चाचणी (PET)

संगणक आधारित परीक्षा (CBT)

कागदपत्रांची पडताळणी

CBT परीक्षा फक्त हिंदी व इंग्रजी भाषेत घेण्यात येईल. ही परीक्षा २ तासांची असेल आणि ती बहुपर्यायी प्रश्नांवर (MCQ) आधारित असेल. परीक्षा BSF मुख्यालयाने निश्चित केलेल्या निवडक केंद्रांवर घेण्यात येईल.

अर्ज शुल्क किती आहे?

UN / OBC / EWS पुरुष उमेदवार – ₹100 (प्रति पद)

शुल्काचे भरणे नेट बँकिंग, डेबिट/क्रेडिट कार्ड किंवा CSC केंद्रांद्वारे करता येईल.

ऑनलाइन अर्ज कुठे करायचा?

इच्छुक व पात्र उमेदवारांनी अर्ज BSF च्या अधिकृत वेबसाइटवर rectt.bsf.gov.in

जाऊन ऑनलाइन पद्धतीने भरावा.

ही संधी गमावू नका!

आपण जर भारतीय सैन्यात भरती होण्याची तयारी करत असाल, तर ही मेगाभरती तुमच्यासाठी योग्य वेळ आहे. वेळेत अर्ज करा आणि आपल्या स्वप्नांना मूर्त स्वरूप द्या!

PREV NEXT

About the Author

Rameshwar Gavhane

रामेश्वर गव्हाणे हे asianetnews.com या प्रथितयश संस्थेच्या मराठी एशियानेट विभागात कंटेट रायटर या पदावर कार्यरत आहेत. त्यांनी रानडे इन्स्टिट्युट येथून पत्रकारितेचे पदव्युत्तर शिक्षण पूर्ण केलं असून पॉलिटिकल सायन्समध्ये पदव्युत्तर शिक्षण घेतले आहे. त्यांनी असिस्टेंट प्रोड्यूसर म्हणून टीव्ही ९ मराठी या न्यूज चॅनलमधून पत्रकारितेला सुरुवात केली. त्यानंतर त्यांनी लोकशाही मराठी न्यूज चॅनलमध्येही असिस्टेंट प्रोड्यूसर म्हणून काम केले आहे. त्यानंतर त्यांनी इनशॉर्ट्स पब्लिक अॅप येथे कंटेट स्पेशॅलिस्ट म्हणून काम केले आहे. त्यांना पत्रकारितेत एकूण ६ वर्षांचा अनुभव आहे. रामेश्वर गव्हाणे यांना राजकीय, सामाजिक विषय, गुन्हे या विषयावर लिहायला आवडते. त्यांना टीव्ही आणि डिजीटल मिडिया क्षेत्रात कामाचा अनुभव आहे.Read More...