Bitter Tea: चहाचे चहाते आहात का? वापरून बघा या 5 टिप्स, चहा होईल एकदम टेस्टी

Bitter Tea: सकाळी उठल्याबरोबर एक कप गरमागरम चहा प्यायल्याशिवाय आपला दिवस सुरू झाला आहे असे वाटतच नाही. पण तोच चहा जास्त उकळून कडू झाला तर मात्र सगळा मूड खराब होतो. अशावेळी चहा फेकून देण्याऐवजी त्याची मूळ चव कशी परत आणायची ते पाहूया..

चहा जास्त उकळल्यामुळे

सकाळचा किंवा संध्याकाळचा चहा, त्याची चव बिघडली तर मूड खराब होतो. घाईत चहा जास्त उकळल्याने किंवा पावडर जास्त झाल्याने तो कडू लागतो. असा चहा पिण्याची इच्छा होत नाही.

विशेष पदार्थांची गरज नाही

असा चहा फेकून देण्याची गरज नाही. काही सोप्या घरगुती उपायांनी तुम्ही कडू चहाची चव ठीक करू शकता. यासाठी विशेष पदार्थांची किंवा जास्त मेहनतीची गरज नाही.

चहा कडू का होतो?

चहाच्या पानांमध्ये 'टॅनिन' (Tannin) नावाचा घटक असतो. चहा जास्त उकळल्यास किंवा पावडर जास्त टाकल्यास हे टॅनिन बाहेर पडून चहा कडू होतो. जास्त आचेवर चहा उकळणे हेही एक कारण आहे.

जास्त उकळलेला चहा कसा ठीक करावा?

थोडं गरम पाणी घाला
चहा खूप कडक आणि कडू झाला असेल, तर त्यात थोडे गरम पाणी घाला. यामुळे चहा पातळ होतो आणि कडूपणा कमी होतो.

दूध घातल्यानेही चव सुधारते

कडू चहा ठीक करण्यासाठी त्यात थोडे दूध घालणे हा एक चांगला उपाय आहे. दुधातील प्रोटीन चहाचा कडूपणा संतुलित करते. चहा खूप कडक झाल्यास थोडे दूध घालून उकळा.

साखर, गूळ किंवा मध

चहाचा कडूपणा कमी करण्यासाठी तुम्ही त्यात थोडी साखर, गूळ किंवा मध घालू शकता. यामुळे चहाचा कडूपणा कमी होऊन चव सुधारते.

वेलची किंवा दालचिनी घाला

चहा खूप कडू झाला असेल, तर त्यात वेलची किंवा दालचिनी घालून पुन्हा हलकेच उकळा. यामुळे चहाचा सुगंध वाढतो आणि कडूपणा कमी होतो.

लिंबामुळेही चव बदलते

तुम्ही ब्लॅक टी पित असाल आणि तो कडू झाला असेल, तर लिंबाचा रस घालून चव ठीक करू शकता. यामुळे चहाला ताजेपणा येतो.

टीप: दुधाच्या चहामध्ये लिंबाचा रस घालू नका, नाहीतर दूध फाटू शकते.