Independence Day 2025 : १५ ऑगस्टला बँकांना सुट्टी आहे का?, स्वातंत्र्यदिनाच्या दिवशी बँक सुरू असतील का?

Independence Day 2025 : १५ ऑगस्ट हा भारताचा स्वातंत्र्यदिन असल्याने, हा दिवस बँकांसाठी सुट्टीचा असतो. मात्र, ATM आणि डिजिटल बँकिंग सेवा सुरू राहतात.

मुंबई : प्रत्येक वर्षीप्रमाणे १५ ऑगस्ट हा भारतासाठी अत्यंत गौरवाचा दिवस असतो. स्वातंत्र्यदिन! या दिवशी देशभरात विविध कार्यक्रम, ध्वजारोहण आणि देशभक्तिपूर्ण उपक्रम राबवले जातात. मात्र, अनेकांना प्रश्न पडतो की, या दिवशी बँका सुरू असतात का? म्हणजेच, बँकेची कामकाज सुरळीत चालू राहते का? चला तर जाणून घेऊया…

१५ ऑगस्ट हा "बँक हॉलिडे" असतो का?

होय, १५ ऑगस्ट हा भारत सरकारने घोषित केलेला राष्ट्रीय सुटीचा दिवस आहे. त्यामुळे देशभरातील सर्व सार्वजनिक आणि खाजगी बँका बंद असतात. हा दिवस "गॅझेटेड हॉलिडे (Gazetted Holiday)" म्हणून घोषित केला जातो आणि त्यामुळे केवळ बँका नव्हे तर शासकीय कार्यालये, पोस्ट ऑफिस, स्टॉक मार्केट, काही खासगी संस्था व शाळा/कॉलेजेस देखील बंद राहतात.

ATM आणि डिजिटल बँकिंग सेवा उपलब्ध राहतील का?

होय! जरी बँकांची शाखा बंद असेल, तरी ATM, इंटरनेट बँकिंग, UPI आणि मोबाईल बँकिंग सेवा २४x७ सुरू राहतात. त्यामुळे पैसे काढणे, ट्रान्सफर करणे, बिल पेमेंट किंवा अन्य डिजिटल व्यवहार सहज करता येतील.

१५ ऑगस्ट २०२५, कोणकोणत्या राज्यांमध्ये बँक सुट्टी?

१५ ऑगस्ट हा संपूर्ण भारतात बँक सुट्टीचा दिवस आहे. ही सुट्टी सर्व राज्यांमध्ये लागू होते, त्यामुळे महाराष्ट्र, कर्नाटक, दिल्ली, गुजरात, तमिळनाडू, पश्चिम बंगाल अशा सर्व राज्यांतील बँका या दिवशी बंद राहतील.

बँकेचे काम कधी सुरू होईल?

स्वातंत्र्यदिनानंतर, म्हणजे १६ ऑगस्टपासून बँकांचे नियमित कामकाज पुन्हा सुरू होईल. त्यामुळे कोणतेही महत्वाचे व्यवहार असेल, तर ते १४ ऑगस्ट किंवा १६ ऑगस्टला पूर्ण करणे योग्य ठरेल.

जर तुमचे बँकेत काही महत्वाचे व्यवहार (जसे की चेक जमा करणे, कर्ज कागदपत्रे, नवीन खाते उघडणे इ.) प्रलंबित असतील, तर ते सुट्टीच्या आधी म्हणजेच १४ ऑगस्टच्या आत पूर्ण करून ठेवावेत.