ॲमेझॉन आणि फ्लिपकार्ट ८ ऑक्टोबरपासून त्यांचे मोठे फेस्टिव्हल सेल सुरू करत आहेत. तुम्ही स्मार्टफोन आणि इलेक्ट्रॉनिक्स खरेदीवर बँक डिस्काउंट आणि कॅशबॅक ऑफर्स मिळवू शकता.
ॲमेझॉन आणि फ्लिपकार्टवर कोणत्या फोनवर किती डिस्काउंट?
देशातील सर्वात मोठ्या फेस्टिव्हल सीझनच्या शॉपिंगची धूम आता सुरू होत आहे. ई-कॉमर्स दिग्गज ॲमेझॉन आणि फ्लिपकार्टने त्यांचे फेस्टिव्हल सेल सुरू करण्याची तयारी पूर्ण केली आहे. या सेलमध्ये तुम्ही स्मार्टफोन, इलेक्ट्रॉनिक्स आणि होम अप्लायन्सेसवर भारी सूट, इन्स्टंट डिस्काउंट आणि स्पेशल कॅशबॅक ऑफर्स मिळवू शकता. ग्राहकांना आकर्षित करण्यासाठी या कंपन्यांनी प्रमुख बँकांसोबत पार्टनरशिप केली आहे.
25
सेल कधी सुरू होणार? अर्ली ॲक्सेसचे डिटेल्स इथे पाहा
ॲमेझॉनचा 'ॲमेझॉन ग्रेट इंडियन फेस्टिव्हल २०२६' सेल ८ ऑक्टोबरला अधिकृतपणे सुरू होणार आहे. तर, फ्लिपकार्टचा 'बिग बिलियन डेज २०२६' सेल ९ ऑक्टोबरपासून सर्वांसाठी लाईव्ह होईल. पण, फ्लिपकार्ट प्लस आणि ब्लॅक सबस्क्रायबर्स, तसेच निवडक फ्लिपकार्ट क्रेडिट कार्ड होल्डर्स ८ ऑक्टोबरपासूनच 'अर्ली ॲक्सेस' द्वारे सेलमध्ये शॉपिंग करू शकतात.
35
फ्लिपकार्ट बिग बिलियन डेज: या आहेत बँक ऑफर्स
फ्लिपकार्ट बिग बिलियन डेज सेलमध्ये ॲक्सिस बँक (Axis Bank) आणि आयसीआयसीआय बँक (ICICI Bank) प्रमुख पार्टनर आहेत. पात्र खरेदीवर तुम्ही १०% पर्यंत इन्स्टंट डिस्काउंट मिळवू शकता. हे डिस्काउंट प्रॉडक्ट, बिलाची रक्कम आणि कार्डच्या प्रकारावर अवलंबून असेल.
याशिवाय, फ्लिपकार्ट ॲक्सिस बँक क्रेडिट कार्ड होल्डर्सना १०% एक्स्ट्रा इन्स्टंट डिस्काउंट मिळेल. तसेच, फ्लिपकार्टच्या 'सुपर मनी' सर्व्हिसवरून पेमेंट केल्यास पहिल्या व्यवहारावर १०% कॅशबॅक मिळेल. प्रत्येक ऑफरसाठी किमान बिलाची रक्कम आणि कमाल सूट मर्यादा लागू असेल.
ॲमेझॉन ग्रेट इंडियन फेस्टिव्हल: एसबीआय आणि ॲमेझॉन पेचे फायदे
ॲमेझॉन फेस्टिव्हल सेलमध्ये स्टेट बँक ऑफ इंडियाच्या (SBI) कार्ड होल्डर्सना सर्वात जास्त फायदा होणार आहे. एसबीआय डेबिट आणि क्रेडिट कार्डने शॉपिंग केल्यास तुम्ही १०% इन्स्टंट डिस्काउंट मिळवू शकता. ही ऑफर एसबीआय क्रेडिट कार्डच्या ईएमआय (EMI) व्यवहारांवरही लागू आहे.
ॲमेझॉन त्यांच्या इतर पेमेंट सर्व्हिसेसवरही कॅशबॅक ऑफर्स देत आहे. 'ॲमेझॉन पे लेटर' वापरकर्ते पात्र व्यवहारांवर १०% पर्यंत कॅशबॅक मिळवू शकतात. तसेच, 'ॲमेझॉन पे आयसीआयसीआय बँक क्रेडिट कार्ड' युजर्सना ॲमेझॉनवरील खरेदीवर ५% अनलिमिटेड कॅशबॅक मिळेल. या अनलिमिटेड कॅशबॅकवर कोणतीही कमाल मर्यादा नाही, पण कार्डचे नियम लागू असतील.
55
१०% डिस्काउंट म्हणजे फ्लॅट १०% सूट नाही!
जाहिरातींमध्ये दिसणाऱ्या “Up to 10%” डिस्काउंटचा अर्थ बिलावर थेट फ्लॅट १०% सूट मिळेल असा होत नाही. तुमचे फायनल डिस्काउंट हे बिलाची रक्कम, बँकेची कमाल सूट मर्यादा, किमान खरेदीचे नियम आणि पेमेंट मोडवर अवलंबून असते.
ई-कॉमर्स प्लॅटफॉर्म्स काही विशिष्ट कार्ड्स किंवा प्रॉडक्ट्स या ऑफर्समधून वगळू शकतात. त्यामुळे पेमेंट करण्यापूर्वी बिलावर मिळालेले फायनल डिस्काउंट नक्की तपासा. या बँक ऑफर्समुळे मोबाईल, लॅपटॉप आणि इतर गॅजेट्स खरेदी करणाऱ्यांची मोठी बचत होणार आहे.
