DIY Ideas: शाम्पूची रिकामी बाटली फेकू नका, 'या' ५ भन्नाट वस्तू घरच्या घरी बनवा!

तुमच्या घरातल्या डव्ह (Dove) किंवा हेड अँड शोल्डर्स (Head & Shoulders) शाम्पूच्या रिकाम्या बाटल्यांचं काय करता? फेकून देता? थांबा! या बाटल्यांपासून तुम्ही मोबाईल होल्डर, मिनी प्लांटर, बाथरूम ऑर्गनायझर आणि बर्ड फीडर अशा अनेक उपयोगी वस्तू बनवू शकता. कसं ते जाणून घ्या.

Shampoo Bottle Craft Ideas: आपल्या घरात केस धुण्यासाठी शाम्पू तर वापरला जातोच. हे शाम्पू मस्त जाड आणि मजबूत प्लास्टिकच्या बाटल्यांमध्ये येतात. पण शाम्पू संपला की आपण या बाटल्या सरळ कचऱ्यात टाकतो. पण तुम्हाला माहित आहे का, की या रिकाम्या बाटल्यांपासून तुम्ही खूपच उपयोगी आणि मस्त वस्तू बनवू शकता? चला तर मग पाहूया कसं...

शाम्पूच्या बाटलीपासून बनवा बाथरूम ऑर्गनायझर

शाम्पूच्या जुन्या बाटलीचा वापर करून तुम्ही एक छान बाथरूम ऑर्गनायझर बनवू शकता. यामध्ये तुम्ही टूथब्रश, टूथपेस्ट, रेझर, कंगवा अशा गोष्टी ठेवू शकता. यासाठी डव्ह, हेड अँड शोल्डर्स किंवा लॉरियल (L'Oréal) सारख्या शाम्पूच्या बाटलीचा खालचा भाग कापून घ्या. हा त्याचा बेस बनेल. आता वरच्या बाजूला हँडलसारखा आकार कापा, जेणेकरून ते कुठेही टांगता येईल. हवं तर तुम्ही त्यावर छोटे त्रिकोण किंवा डिझाइनही बनवू शकता. यानंतर बाटलीला रंग द्या, त्यावर एखादी क्यूट स्माईली किंवा डिझाइन काढा आणि तुमचा बाथरूम ऑर्गनायझर तयार आहे.

पेन-पेन्सिल स्टँड बनवा

जुन्या शाम्पूच्या रिकाम्या बाटलीपासून तुम्ही मुलांच्या स्टडी टेबलसाठी पेन-पेन्सिल स्टँडसुद्धा बनवू शकता. यासाठी बाटली चांगली धुवून वाळवून घ्या. तिचा वरचा भाग कापून टाका आणि कडा घासून घ्या जेणेकरून त्या लागणर नाहीत. आता रंगीत कागद, रंग किंवा स्टिकर्सने ती सजवा. तुमचा सुंदर पेन होल्डर तयार होईल, ज्यात तुम्ही पेन, पेन्सिल आणि ब्रश ठेवू शकता.

शाम्पूच्या बाटलीपासून बनवा मोबाईल चार्जिंग होल्डर

जर तुमच्या मोबाईलची चार्जिंग केबल लहान असेल आणि फोन लटकवून चार्ज करायचा असेल, तर जुन्या शाम्पूच्या बाटलीपासून मोबाईल चार्जिंग होल्डर बनवता येतो. यासाठी बाटलीला असा आकार द्या, की त्यात मोबाईल आणि चार्जर दोन्ही व्यवस्थित बसतील. वरच्या बाजूला चार्जरच्या पिनसाठी जागा करा. आता याला रंग द्या किंवा वेगवेगळ्या डिझाइनने सजवा. यामुळे फोन चार्ज करताना खाली ठेवण्याची गरज भासणार नाही.

शाम्पूच्या बाटलीपासून बनवा मिनी प्लांटर

रिकाम्या शाम्पूच्या बाटलीपासून तुम्ही एक छोटंसं प्लांटर (मिनी कुंडी) सुद्धा बनवू शकता. यासाठी बाटली मधून कापा आणि पाणी बाहेर जाण्यासाठी खाली छोटी छिद्रं पाडा, म्हणजे पाणी साचून राहणार नाही. आता यात माती टाकून छोटी रोपं लावा. तुम्ही बाटलीवर रंग देऊन त्यावर चेहरा, कार्टून किंवा सुंदर डिझाइन बनवू शकता. बाल्कनी आणि घराच्या सजावटीसाठी हा एक उत्तम DIY पर्याय आहे.

बर्ड फीडर म्हणून करा वापर

जुन्या शाम्पूच्या बाटलीचा वापर तुम्ही बर्ड फीडर म्हणूनही करू शकता. यासाठी रिकाम्या बाटलीला छिद्र पाडा आणि दोन्ही बाजूंना लाकडी काड्या लावा, जेणेकरून पक्षी त्यावर बसू शकतील. आता त्यात दाणे भरा आणि दोरीच्या मदतीने झाडावर टांगा. मुलांसाठी हा एक मजेशीर आणि पर्यावरणपूरक DIY क्राफ्ट असेल, ज्यामुळे ते निसर्गाशीही जोडले जातील.