DIY Tank Cooling: टाकीचं पाणी उन्हाळ्यात बर्फासारखं थंड ठेवा! हे आहेत ४ सोपे उपाय

Water Tank उन्हाळ्यात तुमच्याही टाकीतलं पाणी खूप गरम होतं का? मग हे ४ सोपे आणि स्वस्त उपाय नक्की करून पाहा. यामुळे पाणी थंड राहील आणि आंघोळीपासून ते रोजच्या कामांपर्यंत सर्व काही सोपं होईल.

Water Tank एप्रिल महिना लागला की उन्हाचा तडाखा वाढतो. अशावेळी गच्चीवर ठेवलेल्या पाण्याच्या टाकीचं पाणी इतकं गरम होतं की जणू काही भट्टीच! हे पाणी ना आंघोळीसाठी वापरता येतं, ना इतर कामांसाठी. थेट उन्हात ठेवल्यामुळे टाकीचं तापमान झपाट्याने वाढतं. जर तुम्हाला या समस्येपासून सुटका हवी असेल, तर टाकीचं पाणी थंड ठेवण्यासाठी तुम्ही काही सोपे उपाय करू शकता. यामुळे कडक उन्हातही टाकीतलं पाणी गरम होणार नाही आणि तुमची गैरसोय टळेल.

टाकीला कव्हर लावा

टाकीचं पाणी थंड ठेवायचं असेल, तर तिला कव्हर लावणं खूप गरजेचं आहे. यामुळे सूर्यप्रकाश परावर्तित होतो (reflect होतो). बाजारात पाण्याच्या टाकीचे कव्हर सहज मिळतात. किंवा तुम्ही जाड कापडाचं कव्हर घरी बनवूनही टाकीला थेट उन्हापासून वाचवू शकता.

टाकीला पांढरा रंग द्या

तुमच्या पाण्याची टाकी काळ्या रंगाची असेल, तर ती जास्त उष्णता शोषून घेते आणि पाणी लवकर गरम होतं. अशावेळी टाकीला पांढरा किंवा चंदेरी (सिल्व्हर) रंगाचा पेंट द्या. हलका रंग उष्णता कमी शोषतो आणि पाणी थंड राहतं.

टाकीवर शेड उभारा

टाकीवर तुम्ही प्लॅस्टिक किंवा ग्रीन नेटचं शेड लावू शकता. यामुळे टाकीवर थेट ऊन पडणार नाही आणि पाणी जास्त गरम होणार नाही. जर तुमची टाकी उघड्या गच्चीवर असेल, तर हा एक उत्तम उपाय आहे.

टाकीवर पाणी शिंपडा

दिवसातून एक-दोन वेळा तुम्ही टाकीच्या आजूबाजूला किंवा टाकीवर पाणी शिंपडू शकता. यामुळे टाकीचं तापमान कमी होतं आणि आतलं पाणीही थंड राहतं. हा एक सोपा आणि शून्य खर्चाचा उपाय आहे.