Virat Kohli : RCB जिंकताच विराटने अनुष्काला दिला 'फ्लाइंग किस', 'तो' क्युट क्षण व्हायरल!

Virat Kohli Flying Kiss to Anushka Sharma : IPL 2026 च्या १९ व्या सीझनची धमाकेदार सुरुवात झाली आहे. पहिल्याच सामन्यात गतविजेत्या रॉयल चॅलेंजर्स बंगळुरूने सनरायझर्स हैदराबादला हरवलं. 

Virat Kohli Flying Kiss to Anushka Sharma : आयपीएल २०२६ च्या १९ व्या सीझनचा बिगुल वाजलाय. २८ मार्च २०२६ रोजी सनरायझर्स हैदराबाद आणि रॉयल चॅलेंजर्स बंगळुरू यांच्यात पहिला सामना खेळला गेला. या पहिल्याच सामन्यात चाहत्यांना जबरदस्त हाय-व्होल्टेज ड्रामा पाहायला मिळाला. शनिवारी रात्री बंगळुरूच्या एम. चिन्नास्वामी स्टेडियमवर झालेल्या या मॅचमध्ये रॉयल चॅलेंजर्स बंगळुरूने सनरायझर्स हैदराबादला ६ विकेट्सने हरवून सीझनची धमाकेदार सुरुवात केली. गतविजेत्या आरसीबीकडून खेळताना विराट कोहलीने पुन्हा एकदा शानदार कामगिरी केली आणि संघाच्या विजयात महत्त्वाची भूमिका बजावली. त्याने या सामन्यात नाबाद ६९ धावा केल्या, ज्यामुळे आरसीबीने फक्त १५.४ ओव्हर्समध्ये चार विकेट्स गमावून लक्ष्य गाठलं. मॅच संपल्यानंतर एक असा क्षण कॅमेऱ्यात कैद झाला, जो आता सोशल मीडियावर धुमाकूळ घालतोय.

विराट-अनुष्काचा क्युट मोमेंट व्हायरल

आरसीबी विरुद्ध एसआरएच मॅचनंतर एक खास क्षण पाहायला मिळाला, जेव्हा विराट कोहलीने स्टँड्समध्ये उपस्थित असलेल्या पत्नी अनुष्का शर्माच्या दिशेने फ्लाइंग किस दिली. हा क्षण सोशल मीडियावर वेगाने व्हायरल होत आहे. विराटची ही क्युट फ्लाइंग किस पाहून स्टँड्समध्ये बसलेली अनुष्का शर्मासुद्धा त्याला फ्लाइंग किस देताना दिसली आणि लाजत तिने हात हलवला. यावेळी तिने खूप सुंदर फ्रिल असलेला ड्रेस घातला होता आणि तिच्या गळ्यात कंठी माळही दिसत होती. हा व्हिडिओ सोशल मीडियावर प्रचंड व्हायरल होत असून हजारो लोकांनी तो लाईक केला आहे.

सनरायझर्स हैदराबाद विरुद्ध रॉयल चॅलेंजर्स बंगळुरू मॅचचा लेखाजोखा

या सामन्यात सनरायझर्स हैदराबादने प्रथम फलंदाजी करत २० ओव्हर्समध्ये २०१ धावांचा डोंगर उभारला. संघाकडून आक्रमक फलंदाजी पाहायला मिळाली. कर्णधार आणि विकेटकीपर ईशान किशनने ८० धावांची शानदार खेळी केली. त्यानंतर अनिकेत वर्मानेही संघासाठी ४३ धावा जोडल्या. पण खरी मजा तेव्हा आली जेव्हा आरसीबी फलंदाजीला उतरली आणि २०१ धावांचं लक्ष्य फक्त १५.४ ओव्हर्समध्येच पूर्ण केलं. यात विराट कोहलीने फक्त ३८ चेंडूत ५ चौकार आणि ५ षटकारांच्या मदतीने ६९ धावा केल्या. त्याच्याशिवाय देवदत्त पडिक्कलनेही ६१ धावांची शानदार खेळी केली. कर्णधार रजत पाटीदारनेही आपल्या संघासाठी ३१ धावा केल्या आणि चार विकेट्सच्या मोबदल्यात २०३ धावा करून हा सामना ६ विकेट्सने जिंकला. एकंदरीत, आयपीएल २०२६ चा पहिला सामना रोमांच, धावा आणि भावनांनी भरलेला होता, ज्यामुळे चाहत्यांच्या अपेक्षा आणखी वाढल्या आहेत की पुढील सामने आणखी मजेदार असतील.