India Wins T20 World Cup 2026: भारत तिसऱ्यांदा बनला T20 विश्वविजेता! न्यूझीलंडचा ९६ धावांनी धुव्वा

India Wins T20 World Cup 2026: टीम इंडियाने न्यूझीलंडला ९६ धावांनी पराभूत करून ICC T20 विश्वचषक २०२६ चे विजेतेपद पटकावले आहे. फलंदाजांच्या वादळी खेळीमुळे भारताने २५६ धावांचा डोंगर उभारला. 

अहमदाबाद: टीम इंडियाने इतिहास रचला आहे! रविवारी अहमदाबादच्या नरेंद्र मोदी स्टेडियमवर खेळल्या गेलेल्या थरारक फायनलमध्ये भारताने न्यूझीलंडचा ९६ धावांनी पराभव करत ICC पुरुष टी-२० विश्वचषक २०२६ चे जेतेपद पटकावले. या विजयासह भारताने केवळ ट्रॉफीच जिंकली नाही, तर क्रिकेट जगतात अनेक नवनवे विक्रम प्रस्थापित केले आहेत.

भारताचे ऐतिहासिक ‘रेकॉर्ड्स’

तिसरी ट्रॉफी: टी-२० विश्वचषकाच्या इतिहासात ३ वेळा विजेतेपद मिळवणारा भारत जगातील पहिला संघ ठरला.

खिताबचा बचाव (Title Defend): सलग दोनदा विश्वचषक जिंकणारा भारत हा एकमेव संघ बनला आहे.

यजमानाचा विजय: पहिल्यांदाच एखाद्या यजमान देशाने आपल्याच मायदेशात टी-२० विश्वचषकाची ट्रॉफी उंचावली आहे.

टीम इंडियाची 'विशाल' फटकेबाजी: धावसंख्येचा डोंगर!

नाणेफेक हारल्यानंतर प्रथम फलंदाजीला उतरलेल्या भारतीय फलंदाजांनी किवी गोलंदाजांची अक्षरशः पिसं काढली.

अभिषेक शर्मा: १८ चेंडूत वादळी अर्धशतक (एकूण ५२ धावा).

संजू सॅमसन: सलग तिसरे अर्धशतक झळकावत ४६ चेंडूत ८९ धावांची मॅरेथॉन खेळी.

ईशान किशन: २३ चेंडूत धडाकेबाज ५४ धावा.

शिवम दुबे: शेवटच्या ओव्हरमध्ये २४ धावा कुटत ८ चेंडूत २६ धावांची आतिशी खेळी.

यांच्या जोरावर भारताने २० षटकांत २५६ धावांचा डोंगर उभा केला.

बुमराह-अक्षरची 'धार', किवी फलंदाज गार!

२५७ धावांच्या विशाल लक्ष्याचा पाठलाग करताना न्यूझीलंडची सुरुवात खराब झाली. फिन् एलनला जीवनदान मिळाले तरी तो स्वस्तात बाद झाला.

जसप्रीत बुमराह: पुन्हा एकदा 'किंग' ठरला! त्याने ४ बळी घेत न्यूझीलंडच्या मधल्या फळीचे कंबरडे मोडले.

अक्षर पटेल: ३ महत्त्वाचे बळी घेत फिरकीची जादू दाखवली.

टिम सीफर्ट: किवी संघाकडून सीफर्टने २३ चेंडूत ५२ धावा करत लढा देण्याचा प्रयत्न केला, पण वरुण चक्रवर्तीने त्याला बाद करत भारताचा विजय निश्चित केला.

न्यूझीलंडचा संपूर्ण संघ १५९ धावांवर ढेरे झाला आणि भारताने ९६ धावांनी दिमाखदार विजय मिळवला.