Ind vs NZ Final: 'नई मिल गई...?' चहलला दुबईत नवी गर्लफ्रेंड भेटली?

Ind vs NZ Final: भारत आणि न्यूझीलंड यांच्यातील दुबईमधील चॅम्पियन्स ट्रॉफीच्या फायनलमध्ये युजवेंद्र चहल एका मिस्ट्री गर्लसोबत दिसला. तो टीम इंडियाला सपोर्ट करताना खूप खुश दिसत होता. 

Yuzvendra Chahal with Mistry Girl: टीम इंडियाचा स्पिन बॉलर युजवेंद्र चहलचा काही दिवसांपूर्वी पत्नी धनश्री वर्मासोबत घटस्फोट झाला. जवळपास 5 वर्षांच्या लग्नानंतर दोघांनी वेगळे होण्याचा निर्णय घेतला. दोघांच्या नात्यात बऱ्याच दिवसांपासून खटपट सुरू होती, त्यानंतर चाहते त्यांच्या वेगळे होण्याबद्दल बोलू लागले. अखेर तेच झालं, ज्याची शक्यता सगळे चाहते व्यक्त करत होते. आता दोघेही आपापल्या लाईफमध्ये बिझी आहेत. एकीकडे धनश्री तिचे चित्रपट आणि म्युझिकमध्ये व्यस्त आहे, तर दुसरीकडे यूजी नवनवीन गोष्टी करताना दिसत आहे.

भारत-न्यूझीलंड फायनल मॅचमध्ये चहल मिस्ट्री गर्लसोबत

भारत आणि न्यूझीलंड यांच्यात आयसीसी चॅम्पियन्स ट्रॉफी 2025 चा फायनल सामना आज दुबई इंटरनॅशनल स्टेडियममध्ये खेळला जात आहे. या मॅचमध्ये क्रिकेटर यूजी चहल मैदानात दिसला. यावेळी चाहत्यांसाठी धक्कादायक गोष्ट ही होती की, तो एकटा नव्हता, तर त्याच्यासोबत एक मिस्ट्री गर्ल दिसली. दोघेही टीम इंडियाला सपोर्ट करत होते. भारताचे बॉलर जेव्हा विकेट घेत होते, तेव्हा दोघेही एकमेकांकडे पाहून हसत होते आणि एन्जॉय करत होते. कॅमेरामॅनने अचानक त्यांच्याकडे फोकस केल्यामुळे सगळे चाहते हैराण झाले आहेत.

फायनल सामन्यात भारतीय स्पिन बॉलर्सनी दाखवला दम

या फायनल सामन्यात टीम इंडियाचा दबदबा न्यूझीलंडच्या बॅट्समनवर होता. टॉस जिंकून पहिले बॅटिंग करताना न्यूझीलंडच्या टीमने 50 ओव्हरमध्ये 7 विकेट्स गमावून 251 रन्स केले. त्यांचे कोणतेही बॅट्समन भारतीय स्पिनला वाचण्यात अयशस्वी ठरले. वरुण चक्रवर्ती आणि कुलदीप यादवने 2-2 विकेट्स घेतले, तर रवींद्र जडेजा आणि मोहम्मद शमीला 1-1 विकेट मिळाला. रोहितच्या टीमला आता जिंकून इतिहास रचण्यासाठी 252 रन्सची गरज आहे. भारताच्या बॅटिंगमध्ये विराट कोहली आणि रोहित शर्मावर चाहत्यांच्या नजरा असतील.