Mumbai Mega Block: सीएसएमटी–पनवेल 5 तास तर ट्रान्स-हार्बर 7 तास बंद! रविवारी प्रवास कसा करणार? वेळापत्रक पाहा
सार
Mumbai Local Mega Block: रविवारी मध्य आणि पश्चिम रेल्वेवर मोठा मेगाब्लॉक जाहीर झाला आहे, ज्यामुळे हार्बर आणि ट्रान्स-हार्बर मार्गांवर मोठा परिणाम होईल.
मुंबई: रविवारी लोकलने प्रवास करणाऱ्या लाखो प्रवाशांसाठी महत्त्वाची बातमी! मध्य आणि पश्चिम रेल्वेने मोठा मेगाब्लॉक जाहीर केला आहे, ज्याचा थेट परिणाम हार्बर आणि ट्रान्स-हार्बर मार्गावरील लोकल सेवांवर होणार आहे. यामुळे सीएसएमटी–पनवेल मार्ग 5 तास, तर ठाणे–पनवेल मार्ग तब्बल 7 तास बंद राहणार आहे. त्यामुळे प्रवाशांची मोठी गैरसोय होण्याची शक्यता आहे.
घराबाहेर पडण्यापूर्वी रेल्वेची ही अपडेट नक्की वाचा
रेल्वेच्या अभियांत्रिकी आणि देखभाल कामांसाठी रविवार, 16 तारखेला हा विस्तारित मेगाब्लॉक घेण्यात येणार आहे. या दरम्यान काही लोकल रद्द, काही मार्ग बदल आणि काहीसाठी पर्यायी व्यवस्था केली जाणार आहे.
मध्य रेल्वे – सीएसएमटी ते विद्याविहार
10.55 सकाळ – 3.55 दुपार
डाऊन धीम्या लोकलना या काळात जलद मार्गावर वळवले जाईल.
या लोकल भायखळा, परळ, दादर, माटुंगा, सायन, कुर्ला येथे थांबतील आणि विद्याविहारपासून पुन्हा धीम्या मार्गावर येतील.
घाटकोपरहून सुटणाऱ्या अप लोकल विद्याविहार–सीएसएमटी दरम्यान अप जलद मार्गावर धावतील.
पश्चिम रेल्वे – बोरिवली ते राम मंदिर (जलद मार्ग)
10 सकाळ – 3 दुपार
अप जलद लोकल बोरिवली–अंधेरी दरम्यान धीम्या मार्गावर धावतील.
डाऊन जलद लोकल अंधेरी–गोरेगाव दरम्यान धीम्या मार्गावर वळवण्यात येतील.
काही लोकल पूर्णपणे रद्द राहतील.
हार्बर लाईन – पनवेल ते वाशी
11.05 सकाळ – 4.05 संध्याकाळ
पनवेल–सीएसएमटी लोकल 10.33 ते 3.49 दरम्यान रद्द.
सीएसएमटी–पनवेल/बेलापूर लोकल 9.45 ते 3.12 पर्यंत रद्द राहतील.
ट्रान्स-हार्बर – ठाणे ते पनवेल
11.02 सकाळ – 5.53 संध्याकाळ
ठाणे–पनवेल लोकल 10.01 ते 5.20 पर्यंत बंद राहतील.
मात्र पर्यायी व्यवस्था म्हणून
सीएसएमटी–वाशी मार्गावर विशेष लोकल चालवली जाईल.
ठाणे–वाशी–नेरुळ लोकल सेवा सुरू राहतील.
प्रवाशांनी काय करावे?
ब्लॉकच्या दरम्यान वाशी–नेरुळ–ठाणे मार्गाचा वापर करा.
वेळापत्रक तपासूनच स्टेशनवर जा.
पर्यायी बस सेवा आणि मेट्रोचा विचार करा.
या मेगाब्लॉकमुळे लाखो प्रवाशांच्या प्रवासात बदल होणार असल्याने रेल्वेकडून ही माहिती वेळेत देण्यात आली आहे.