MHADA Lottery 2026: मुंबईत हक्काच्या घराचं स्वप्न होणार पूर्ण! २५०० घरांची सोडत 'या' तारखेला; जाणून घ्या सविस्तर

MHADA Lottery 2026: म्हाडा मुंबई मंडळ एप्रिल २०२६ मध्ये तब्बल २५०० घरांसाठी भव्य लॉटरी काढणार आहे. या सोडतीमध्ये मागाठाणे (बोरिवली), विक्रोळी आणि प्रतीक्षा नगर (सायन) यांसारख्या मोक्याच्या ठिकाणी परवडणाऱ्या दरात घरे उपलब्ध असतील. 

मुंबईत हक्काच्या घराचं स्वप्न होणार पूर्ण! २५०० घरांची सोडत 'या' तारखेला

मुंबई: स्वप्नांच्या मुंबईत स्वतःचं हक्काचं घर असावं, असं प्रत्येक मध्यमवर्गीय मुंबईकराचं स्वप्न असतं. मात्र, खाजगी बिल्डरांच्या गगनला भिडलेल्या किमतींमुळे हे स्वप्न अधुरं राहतं. अशा लोकांसाठी आता म्हाडा (MHADA) मुंबई मंडळाने मोठी आनंदाची बातमी दिली आहे. तब्बल २५०० घरांसाठी एप्रिल २०२६ मध्ये भव्य लॉटरी काढण्याची तयारी म्हाडाने पूर्ण केली आहे. 

जाहिरात कधी प्रसिद्ध होणार?

मिळालेल्या माहितीनुसार, या लॉटरीची अधिकृत जाहिरात मार्च महिन्याच्या शेवटच्या आठवड्यात प्रसिद्ध केली जाईल. त्यानंतर इच्छुकांना अर्ज भरण्यासाठी साधारणपणे एक महिन्याचा अवधी दिला जाणार आहे. अर्जांची छाननी पूर्ण झाल्यावर एप्रिलच्या अखेरीस संगणकीय सोडत जाहीर होण्याची दाट शक्यता आहे. 

या प्रमुख भागात मिळणार घरे

या सोडतीमध्ये मुंबईतील मोक्याच्या ठिकाणांचा समावेश असून, प्रामुख्याने खालील भागांत घरे उपलब्ध असतील.

मागाठाणे (बोरिवली)

विक्रोळी

प्रतीक्षा नगर (सायन)

यासह उपनगरातील इतर काही महत्त्वाच्या गृहप्रकल्पांचा यात समावेश असेल. 

म्हाडा लॉटरीचे वैशिष्ट्य काय?

मुंबईत सध्या घरांच्या किमती सामान्यांच्या आवाक्याबाहेर गेल्या आहेत. अशा काळात म्हाडाची घरे ही परवडणाऱ्या दरात आणि पारदर्शक पद्धतीने (लॉटरी सिस्टीम) मिळतात. खाजगी गृहप्रकल्पांच्या तुलनेत या घरांच्या किमती कमी असल्याने हजारो मुंबईकरांचे लक्ष या आगामी लॉटरीकडे लागले आहे. 

महत्त्वाची टीप

लॉटरीसाठी अर्ज करण्यापूर्वी तुमची आवश्यक कागदपत्रे (उत्पन्नाचा दाखला, अधिवास प्रमाणपत्र इ.) तयार ठेवा, जेणेकरून जाहिरात प्रसिद्ध होताच तुम्हाला त्वरित अर्ज करता येईल.