मुंबईकरांसाठी दिवाळीचा बोनस! बीएमसीकडून 426 परवडणाऱ्या घरांची लॉटरी जाहीर, जाणून घ्या संपूर्ण माहिती

मुंबई महानगरपालिकेने (BMC) अल्प आणि अत्यल्प उत्पन्न गटांसाठी ४२६ परवडणाऱ्या घरांची लॉटरी जाहीर केली आहे. भांडुप, गोरेगाव, भायखळा अशा विविध ठिकाणी उपलब्ध असलेल्या या घरांसाठी अर्ज प्रक्रिया लवकरच सुरू होणार असून, दिवाळीनंतर सोडत काढली जाईल. 

बीएमसीकडून 426 परवडणाऱ्या घरांची लॉटरी जाहीर

मुंबई: म्हाडा आणि सिडकोच्या पावलावर पाऊल टाकत, आता मुंबई महानगरपालिका (BMC) देखील मुंबईकरांसाठी परवडणाऱ्या घरांची सुवर्णसंधी घेऊन आली आहे. अल्प आणि अत्यल्प उत्पन्न गटातील नागरिकांसाठी बीएमसीने ४२६ घरांची लॉटरी जाहीर केली असून, दिवाळीनंतर या घरांची सोडत काढली जाणार आहे. 

कोणाला मिळणार घर?

या योजनेअंतर्गत फक्त EWS (Economic Weaker Section) व LIG (Low Income Group) या दोन गटातील नागरिक पात्र ठरणार आहेत.

EWS – वार्षिक उत्पन्न ₹६ लाखांपर्यंत

LIG – वार्षिक उत्पन्न ₹९ लाखांपर्यंत

या दोन्ही गटांतील पात्र नागरिक बीएमसीच्या अधिकृत वेबसाईटवरून अर्ज करू शकतील. अर्ज प्रक्रिया पुढील आठवड्यापासून सुरू होणार आहे.

घरे कुठे मिळणार आहेत?

मुंबईच्या विविध भागांमध्ये ही घरे उपलब्ध असून सर्वाधिक घरे भांडुप पश्चिम (२७०) येथे आहेत. उर्वरित १५+ परिसरात ही घरे विखुरलेली आहेत:

जोगेश्वरी (पूर्व)

गोरेगाव (पश्चिम)

दहिसर (पश्चिम)

भायखळा (पश्चिम)

कांदिवली (पूर्व व पश्चिम)

अंधेरी (पूर्व)

कांजुरमार्ग

भांडुप (पश्चिम)

किंमत आणि फ्लॅटचा आकार

फ्लॅटचा आकार – 270 ते 528 चौ.फुट

किंमत – ₹60 लाख ते ₹1 कोटी

काही घरे मुंबईच्या मध्यवर्ती आणि प्रीमियम भागांमध्ये (जसे की भायखळा), तर काही घरे उपनगरांमध्ये मोठ्या आकारात व तुलनेने कमी किंमतीत मिळतील.

घरं आली कुठून?

बीएमसीला ही घरे DCPR (Development Control and Promotion Regulation) अंतर्गत मिळाली आहेत. 4,000 चौ.मी. पेक्षा मोठ्या भूखंडावर प्रकल्प उभारणाऱ्या विकासकांना त्यातील 20% घरे बीएमसीला देणे बंधनकारक आहे. त्याचअंतर्गत हे फ्लॅट्स उपलब्ध झाले आहेत. यामुळे केवळ नागरिकांना परवडणारी घरेच मिळणार नाहीत, तर बीएमसीलाही तब्बल ₹३०० कोटींपर्यंतचा महसूल मिळण्याचा अंदाज आहे.

सर्व घटकांसाठी समान संधी

म्हाडाप्रमाणेच, या योजनेत देखील विशेष गटांसाठी राखीव कोटा आहे.

महिला

ज्येष्ठ नागरिक

अपंग नागरिक

स्वातंत्र्यसैनिक यांचे वारस

हे सुनिश्चित करते की समाजातील प्रत्येक स्तरातील व्यक्तींना घर मिळवण्याची न्याय्य व संधीसमान संधी मिळेल.

येत आहेत आणखी लॉटऱ्या!

महापालिकेला पुढील काही महिन्यांत अजूनही घरे विकासकांकडून मिळण्याची शक्यता आहे. त्यामुळे भविष्यात दुसऱ्या टप्प्यातील लॉटरीही काढली जाण्याची दाट शक्यता आहे.

एक सुवर्णसंधी, मुंबईत ‘स्वतःचं घर’

मुंबईसारख्या महागड्या शहरात, जिथे घरं सामान्य नागरिकांच्या आवाक्याबाहेर गेली आहेत, तिथे ही योजना म्हणजे वास्तवात उतरलेलं स्वप्न आहे. दिवाळीनंतर काढण्यात येणारी ही लॉटरी मुंबईतील अनेकांसाठी "नवीन सुरुवात" ठरेल.