Maharashtra Election 2024: सोलापुरात राजकीय उलटफेर, काँग्रेसचा धक्कादायक पाठिंबा

सोलापूर विधानसभा निवडणुकीत काँग्रेस नेते सुशील कुमार शिंदे यांनी अपक्ष उमेदवाराला पाठिंबा देत महाविकास आघाडीत बिघाडी केली. शिवसेना ठाकरे गटाने प्रणिती शिंदे यांच्यावर भाजपसोबत हातमिळवणीचा आरोप केला आहे.

Maharashtra Election 2024: सोलापूरमध्ये विधानसभा निवडणुकीच्या मतदानाच्या दिवशी एक मोठा राजकीय उलटफेर घडला आहे. काँग्रेस नेते सुशील कुमार शिंदे यांनी अपक्ष उमेदवार धर्मराज काडादी यांना पाठिंबा देत महाविकास आघाडीत बिघाडी केली आहे. यामुळे शिवसेना ठाकरे गटाचा संताप उफाळून आला आहे, कारण काँग्रेसने ठाकरे गटाच्या उमेदवार अमर पाटील यांच्या ऐवजी अपक्ष उमेदवाराला पाठिंबा दिला आहे.

प्रणिती शिंदे भाजपच्या ‘बी टीम’ : शरद कोळी 

शिवसेना ठाकरे गटाचे उपनेते शरद कोळी यांनी यावर प्रतिक्रिया देताना काँग्रेसच्या खासदार प्रणिती शिंदे यांच्यावर गंभीर आरोप केले आहेत. शरद कोळी यांच्या मते, प्रणिती शिंदे भाजपच्या "बी टीम" आहेत आणि त्यांनी भाजपसोबत लपून छपून हातमिळवणी केली आहे. त्यांचा आरोप आहे की प्रणिती शिंदे यांनी भाजप उमेदवार सुभाष देशमुख यांना निवडून आणण्यासाठी अपक्ष उमेदवाराला पाठिंबा दिला आहे, ज्यामुळे भाजपला अप्रत्यक्षपणे मदत मिळत आहे.

शरद कोळी यांच्यानुसार, शिंदे कुटुंबाने सोलापूरचा विकास केला नाही आणि त्यांनी पाठीत खंजीर खुपसण्याचे काम केले. त्यामुळे शिवसेना ठाकरे गटाच्या नेत्यांनी प्रणिती शिंदे यांना "धोकेबाज" आणि "गद्दार" म्हणून संबोधले आहे.

आणखी वाचा :