कधी, का आणि कसा झाला पुष्पक एक्सप्रेसचा अपघात? जाणून घ्या सर्व प्रश्नांची उत्तरे

जळगाव जिल्ह्यात पुष्पक एक्सप्रेसच्या डब्यातून आग लागल्याच्या अफवेमुळे प्रवासी घाबरून उतरले असता कर्नाटक एक्सप्रेसने त्यांना चिरडले. या दुर्घटनेत 12 जणांचा मृत्यू झाला.

महाराष्ट्रातील जळगाव जिल्ह्यात बुधवारी संध्याकाळी ५ वाजण्याच्या सुमारास कर्नाटक एक्सप्रेसने पुष्पक एक्सप्रेसमधून उतरलेल्या प्रवाशांना चिरडले. या अपघातात 12 जणांचा मृत्यू झाला आहे. पुष्पक एक्स्प्रेसमध्ये आग लागल्याची अफवा पसरली, त्यानंतर प्रवासी ट्रेनमधून खाली आले.

आणखी वाचा : पुष्पकला आग लागल्याची अफवा अनेकांनी उड्या मारल्या, दुसऱ्या ट्रेनने चिरडून 11 ठार

पुष्पक एक्स्प्रेसचा अपघात का झाला?

एका वरिष्ठ रेल्वे अधिकाऱ्याने दिलेल्या माहितीनुसार, पुष्पक एक्स्प्रेसच्या डब्यात 'हॉट एक्सल' किंवा 'ब्रेक-बाइंडिंग' (जॅमिंग) झाल्यामुळे स्पार्क झाल्याची प्राथमिक माहिती मिळाली आहे. त्यामुळे काही प्रवासी घाबरले. ट्रेनला आग लागल्याची अफवा पसरली. काही जणांनी साखळी ओढली. काही प्रवाशांनी चालत्या ट्रेनमधून उड्या मारल्या तर काही ट्रेन थांबल्यावर बाहेर आले. अनेक प्रवासी बाजूच्या ट्रॅकवर गेले होते. त्याचवेळी कर्नाटक एक्सप्रेसने त्यांना चिरडले.

रेल्वे अपघात कुठे झाला?

पाचोराजवळ माहेजी आणि परधाडे स्थानकादरम्यान पुष्पक एक्स्प्रेसला अपघात झाला. हे ठिकाण मुंबईपासून 400 किलोमीटर अंतरावर आहे. पुष्पक एक्सप्रेस लखनौहून मुंबईला जात होती. कर्नाटक एक्सप्रेस बेंगळुरूहून नवी दिल्लीला जात होती.

पुष्पक एक्स्प्रेसच्या अपघातानंतर काय झाले?

कर्नाटक एक्सप्रेसने चिरडल्यानंतर मृतदेह रुळांवर विखुरलेले होते. हृदयद्रावक फोटो सोशल मीडियावर शेअर केले आहेत. यामध्ये रूळांवर मृतदेह पडलेले दिसले. काही लोक रक्ताच्या थारोळ्यात इकडे तिकडे फिरत होते. जखमींना रुग्णवाहिकेच्या मदतीने रुग्णालयात नेण्यात आले. मध्य रेल्वेने भुसावळहून अपघात निवारण गाडी रवाना केल्याचे सांगितले. जखमींवर उपचारासाठी सर्वतोपरी प्रयत्न केले जात आहेत.

मदत आणि बचावासाठी काय व्यवस्था आहेत?

महाराष्ट्राचे मुख्यमंत्री देवेंद्र फडणवीस यांनी सांगितले की, जिल्हा प्रशासन रेल्वे प्रशासनासोबत जवळून काम करत आहे. जखमींच्या उपचारासाठी तातडीने व्यवस्था करण्यात येत आहे. 8 रुग्णवाहिका पाठवण्यात आल्या आहेत. जखमींवर उपचारासाठी सामान्य रुग्णालयाबरोबरच जवळपासची इतर खासगी रुग्णालये सज्ज ठेवण्यात आली आहेत. काच कटर, फ्लड लाईट इत्यादी आपत्कालीन उपकरणे तयार ठेवण्यात आली आहेत.

आणखी वाचा :