Relationship Guide : किस करताना डोळे का मिटतात? जाणून घ्या या मागची रंजक माहिती

मुंबई - प्रेम हे प्रेम असतं तुमचं आमचं सेम असतं, असं म्हटलं जातं. प्रेम हे पुढच्या टप्प्यात गेल्यावर किस आणि त्यापुढेही जातं. प्रेमात पडलेले दोन लोक एकमेकांना किस करताना डोळे का मिटतात? किस करताना डोळे मिटण्यामागचं कारण काय? ते जाणून घ्या! 

शारीरिक स्पर्शही जाणवतो

जेव्हा दोन लोक प्रेमात पडतात आणि एकमेकांच्या जवळ येतात तेव्हा त्यांना भावनिक जवळीक तर जाणवतेच पण शारीरिक स्पर्शही जाणवतो. विशेषतः किस करताना जोडप्यांना खूप चांगलं वाटतं. किस करताना डोळे मिटणं अगदी सामान्य आहे. बहुतेक लोक किस करताना डोळे का मिटतात याकडे लक्ष देत नाहीत.

भावना महत्त्वाच्या

डोळे मिटून किस केल्याने मन त्या भावनेवर लक्ष केंद्रित करते आणि प्रेम आणखी खोल होतं. तुमचं हृदय त्या क्षणाला पूर्ण तीव्रतेने अनुभवू लागतं. तुम्ही पहिल्यांदाच किस करत असाल तर त्यावेळी डोळे आपोआप मिटतात. जेव्हा एखादी व्यक्ती खूप जवळ असते तेव्हा आपलं हृदय त्या व्यक्तीला अनुभवत असतं, डोळे नाही.

आनंदाचे हार्मोन्स

जेव्हा एखादी व्यक्ती डोळे मिटून किस करते तेव्हा तो त्या क्षणात हरवून जातो. डोळे मिटून किस केल्याने जोडीदार आणखी जवळ येतात. यावेळी शरीरात आनंदाचे हार्मोन्स स्रवतात. किस दोन हृदयांना जवळ आणतो.

जवळून अनुभव घेताना

लंडन विद्यापीठातील रॉयल हॉलवेच्या शास्त्रज्ञांनी केलेल्या अभ्यासानुसार, जेव्हा आपण डोळे उघडे ठेवून एखाद्या गोष्टीला स्पर्श करतो तेव्हा ती जवळून जाणवत नाही. अशा परिस्थितीत, जेव्हा जोडीदार एकमेकांना किस करतात तेव्हा ते एकमेकांमध्ये हरवून जाऊ इच्छितात, ज्यामुळे डोळे आपोआप मिटतात.