ऑफिसच्या कामाने डोकं भंडावून गेलंय? एखादी चांगली आयडियाच सुचत नाहीये? कितीही विचार करून डोकं शिणलंय? मग तज्ज्ञ सांगतात, थोडा वेळ काम बाजूला ठेवा आणि मस्तपैकी शॉवर घ्या.
तासनतास विचार करूनही न सुचलेल्या कल्पना गरम पाण्याने शॉवर घेताना सुचतात. यालाच 'शॉवर थॉट्स' म्हणतात. हे नेमकं काय आहे आणि याचे फायदे काय?
24
मेंदू 'ऍक्टिव्ह थिंकिंग'मधून बाजूला होतो
'सायकॉलॉजी टुडे' (Psychology Today) च्या एका लेखानुसार, जेव्हा आपण मेंदूला एखादं काम करण्यासाठी जास्त जोर देत नाही, तेव्हा त्याला मोकळेपणाने विचार करण्याची संधी मिळते. चालणं, व्यायाम करणं, किंवा शॉवर घेणं यांसारख्या क्रिया करताना मेंदू 'ऍक्टिव्ह थिंकिंग'मधून थोडा बाजूला होतो. त्यामुळे बॅकग्राउंडला सुरू असलेल्या आयडिया अचानक आपल्या जागृत मनात येतात आणि आपल्याला समस्येवर उपाय सापडतो. आजच्या डिजिटल युगात शांतता मिळणं खूप अवघड आहे. पण शॉवरखाली असताना कोणताही फोन किंवा डिस्टर्बन्स नसतो. त्यामुळे ऑफिसच्या डेस्कवर डोकं फोडून न सुचलेली आयडिया, इथे शांतपणे सुचते.
34
स्नायू रिलॅक्स होतात, तणाव कमी होतो
गरम पाण्याने आंघोळ केल्याने शरीराला खूप आराम मिळतो. स्नायू रिलॅक्स होतात आणि तणाव कमी होतो. जेव्हा शरीर शांत होतं, तेव्हा मनही रिलॅक्स होतं. 'द बेटर बाथ'च्या रिपोर्टनुसार, गरम पाण्याने आंघोळ केल्यावर आपलं शरीर 'डोपामाइन' (Dopamine) नावाचं केमिकल रिलीज करतं. यामुळे आपला मूड तर सुधारतोच, पण वेगवेगळ्या आयडिया एकमेकांशी जोडण्यासही मदत मिळते. यामुळेच विचार करण्याची पद्धत बदलते आणि नवीन उपाय सुचतात.
मेंदू बाहेरच्या जगातून हटून विचारांवर केंद्रित करतो
जेव्हा आपण एकाच समस्येवर सतत लक्ष केंद्रित करतो, तेव्हा आयडिया सुचत नाहीत. थोडा ब्रेक दिल्यास सुप्त मनाला काम करण्याची संधी मिळते. शॉवर घेताना आपण शरीर स्वच्छ करण्यासारख्या दुसऱ्या कामात व्यस्त असतो, पण बॅकग्राउंडला आपला मेंदू मुख्य समस्येवर काम करतच असतो. शॉवरमधून पडणाऱ्या पाण्याचा लयबद्ध आवाज बाहेरचे आवाज बंद करतो. यामुळे मेंदूचं लक्ष बाहेरच्या जगातून हटून आतल्या विचारांवर केंद्रित होतं. म्हणूनच, पुढच्या वेळी एखादी समस्या सुटत नसेल, तर जास्त टेंशन न घेता एक हॉट वॉटर शॉवर घ्या. तुम्हाला आपोआप उत्तर सापडू शकतं.
