Rooftop Decor: घराच्या गच्चीला एक लग्झरी स्पेस बनवण्यासाठी ५ भन्नाट आयडिया - रूफटॉप गार्डन, आकर्षक आउटडोर सीटिंग, सुंदर लायटिंग, मिनी कॅफे आणि गेमिंग झोन. या आयडिया वापरून तुम्ही तुमच्या साध्या गच्चीला घरातला सगळ्यात सुंदर आणि आकर्षक कोपरा बनवू शकता.
रूफटॉपला करा कॅफे, गार्डन किंवा रिलॅक्सेशन एरियासारखं डिझाइन
बहुतेक लोक घराच्या गच्चीचा वापर फक्त कपडे वाळवण्यासाठी किंवा अडगळीचं सामान ठेवायला करतात. पण थोडी créativity आणि स्मार्ट प्लॅनिंग वापरून तुम्ही याच गच्चीला घरातली सगळ्यात स्टायलिश आणि लग्झरी जागा बनवू शकता. आजकाल लोक रूफटॉपला कॅफे, गार्डन किंवा रिलॅक्सेशन एरियासारखं डिझाइन करत आहेत. यामुळे घराचं सौंदर्य अनेक पटींनी वाढतं. तुमच्याही घराची गच्ची पाहून लोकांनी विचारावं, 'व्वा! कोणी डिझाइन केलं?', असं वाटत असेल तर हे 5 बदल नक्की करून पाहा.
26
गच्चीला द्या मिनी गार्डनसारखा फील
गच्चीवर छोट्या-छोट्या कुंड्या, हँगिंग प्लांट्स आणि व्हर्टिकल गार्डनच्या मदतीने तुम्ही एक सुंदर हिरवीगार जागा तयार करू शकता. हर्ब्स, फुलं आणि मनी प्लांटसारखी रोपं गच्चीला केवळ फ्रेश लूक देत नाहीत, तर हवा शुद्ध ठेवण्यासही मदत करतात. तुम्ही कृत्रिम गवत (artificial grass) लावून या जागेला मिनी गार्डनसारखा फील देऊ शकता.
36
बसण्याची स्टायलिश जागा
तुम्ही गच्चीवर आरामदायक सोफा, खुर्च्या किंवा फ्लोअर सीटिंगसह एक स्टायलिश बसण्याची जागा तयार करू शकता. कुशन, रग्स आणि लो-टेबल वापरून तुम्ही या जागेला एक कोझी लाउंजमध्ये बदलू शकता. इथे संध्याकाळचा चहा किंवा मित्रांसोबत गप्पा मारण्याची मजा दुप्पट होईल.
गच्चीचं सौंदर्य वाढवण्यात लायटिंगचा खूप मोठा वाटा असतो. फेअरी लाइट्स, एलईडी स्ट्रिप्स, लॅम्प्स किंवा कंदील लावून तुम्ही या जागेला एक 'ड्रीमी' आणि 'इन्स्टाग्राम-फ्रेंडली' स्पेस बनवू शकता. मंद आणि पिवळसर लाईट (warm light) गच्चीला अधिक लग्झरी आणि शांततापूर्ण बनवते.
56
गच्चीवर बनवा एक छोटासा कॅफे किंवा बार कॉर्नर
जर तुम्हाला काहीतरी हटके करायचं असेल, तर गच्चीवर एक छोटासा कॅफे किंवा बार कॉर्नर बनवा. एक छोटा काउंटर, काही स्टूल्स आणि डेकोरेशनच्या वस्तू वापरून तुम्ही या जागेला अगदी कॅफेसारखा लूक देऊ शकता. ही जागा फॅमिली टाइम आणि पार्ट्यांसाठी एकदम परफेक्ट ठरेल.
66
बनवा गेमिंग झोन
तुम्ही मुलांसाठी गच्चीला गेमिंग झोनप्रमाणेही सजवू शकता. टीटी, पूल बिलियर्ड्स, लुडो, चेस आणि उनो यांसारखे 4-5 प्रकारचे इनडोअर गेम्स तुम्ही गच्चीवर ठेवू शकता. फक्त खेळाच्या वस्तू न ठेवता, त्या जागेला गेम झोनसारखं डेकोरेशनही करा, म्हणजे खेळायला आणखी मजा येईल.
