रात्री झोपण्यापूर्वी तुमचा जोडीदार हे करत असेल तर सावधान! नात्यात येऊ शकतो दुरावा!

मुंबई : नातेसंबंधात विश्वास हा सर्वात महत्त्वाचा असतो, पण काही सवयी आणि वर्तन हे फसवणुकीचे संकेत देऊ शकतात. तुमचा जोडीदार रात्री झोपण्यापूर्वी काही विचित्र गोष्टी करत असेल, तर तुम्ही सावधगिरी बाळगली पाहिजे.

नातेसंबंधात विश्वास महत्त्वाचा

कोणत्याही नातेसंबंधात विश्वास महत्त्वाचा असतो. विशेषतः नवरा-बायकोच्या नातेसंबंधात विश्वास हा पाया असतो. विश्वासासोबत आदर, प्रेम, प्रामाणिकपणा हे घटक नातेसंबंधाची खोली दर्शवतात. पण आजकाल नातेसंबंधात 'प्रायव्हसी' हा शब्द भिंतीसारखा जोडप्यांमध्ये येतो.

जोडीदाराचे वर्तन

प्रायव्हसीच्या नावाखाली अनेक गोष्टी जोडीदार लपवतात. यामुळे विश्वासाला तडा जातो. हा विश्वास एका दिवसात नष्ट होत नाही. दीर्घकाळच्या नातेसंबंधात एकेक वर्तन फसवणुकीचे संकेत देते. हे वर्तन कोणत्याही जोडीदाराकडून सुरू होऊ शकते. या लेखात रात्री झोपण्यापूर्वी तुमचा जोडीदार कसे वागतो यावरून तो/ती तुमच्यापासून दूर जात आहेत हे कळू शकते. त्यामुळे असे वर्तन तुमच्या जोडीदाराकडे दिसल्यास सावधगिरी बाळगा.

मोबाईलवर जास्त वेळ

१. तुमचा जोडीदार दररोज रात्री झोपण्यापूर्वी मोबाईलवर जास्त वेळ घालवत असेल आणि तुम्हाला स्क्रीन दाखवत नसेल तर तुम्ही सावधगिरी बाळगली पाहिजे. रात्री झोपण्यापूर्वी मेसेज/कॉल करण्याची सवय असेल तरीही तुम्ही सावध असले पाहिजे. तुम्ही विचारल्यावर महत्त्वाचा कॉल/मेसेज असल्याचे सांगितले तर सावधान.

लॉक, सायलेंट किंवा फ्लाइट मोड

तुमचा जोडीदार झोपायला जाण्यापूर्वी मोबाईल लॉक, सायलेंट किंवा फ्लाइट मोडवर ठेवत असेल तर तुमच्यापासून काहीतरी लपवत असल्याचे हे लक्षण असू शकते. हे वर्तन फसवणुकीचे लक्षण असू शकते.

मोबाईल चॅट

झोपेतून अचानक उठून बाथरूममध्ये जाऊन बराच वेळ मोबाईलवर चॅट करत असतील तर तुम्ही नक्कीच त्याबद्दल प्रश्न विचारला पाहिजे. बाथरूममध्ये जाताना नेहमी फोन सोबत नेणे हे देखील संशयास्पद असू शकते.

अंतर

तुमचा जोडीदार झोपण्यापूर्वी तुमच्यापासून अंतर ठेवू लागला, बोलणे बंद केले किंवा निमित्त करून दूर जाऊ लागला तर तुमच्यावरील त्यांची आवड कमी झाली असण्याची शक्यता असते. हे वर्तन जोडीदाराला दुसऱ्या कोणाबद्दल आवड असल्याचे लक्षण असू शकते.

वारंवार राग

रात्री झोपण्यापूर्वी जोडीदार वारंवार रागवत असेल आणि अनावश्यक भांडण करत असेल तर हे देखील तुमच्या नातेसंबंधाच्या समाप्तीचे लक्षण असू शकते. त्यामुळे जोडीदाराकडे ही लक्षणे दिसल्यास दुर्लक्ष करू नका. अशा वेळी जोडीदाराशी तुमच्या नातेसंबंधाबद्दल मोकळेपणाने चर्चा करा. तुमच्यातील समस्या सोडवण्याचा प्रयत्न करा.