बोटांना त्रास न देता, फक्त २ मिनिटांत किलोभर लसूण सोलण्याची एक सोपी ट्रिक सध्या सोशल मीडियावर जबरदस्त व्हायरल झाली आहे. यासाठी तुम्हाला फक्त एक लाटणं लागेल.
सांबार, भाजी किंवा कोणताही पदार्थ बनवताना लसूण सोलणं एक मोठं आव्हान असतं. नखांनी एक-एक पाकळी सोलताना बोटं तर दुखतातच, पण हाताला लसणाचा उग्र वासही राहतो. जास्त लसूण हवा असेल तर अर्धा तास त्यातच जातो. पण, किचन टॉवेल आणि पोळीच्या लाटण्याचा वापर करून काही क्षणांत लसूण सोलण्याची एक सुपर आयडिया नेटकऱ्यांचं लक्ष वेधून घेत आहे.
24
किचन टॉवेल आणि चपाती लाटणे
ही ट्रिक वापरण्यासाठी तुम्हाला फक्त दोन गोष्टी लागतील - एक किचन टॉवेल आणि पोळ्या करायचं लाटणं. या साध्या वस्तू वापरून तुम्ही काही मिनिटांत किलोभर लसूण सोलून मोकळे होऊ शकता. चला तर मग, ही व्हायरल ट्रिक कशी काम करते ते पाहूया.
34
ही आहे लसूण सोलण्याची पद्धत
अशी आहे लसूण सोलण्याची पद्धत -
थोडं तेल लावा - सगळ्यात आधी लसणाच्या गड्ड्यातून पाकळ्या वेगळ्या करा आणि त्यावर काही थेंब तेल टाकून चांगलं मिक्स करून घ्या. टॉवेलमध्ये गुंडाळा: तेल लावलेल्या लसणाच्या पाकळ्या एका स्वच्छ किचन टॉवेल (Kitchen towel) किंवा जाड सुती कापडात गुंडाळा. हलकेच आपटा: कापडाची पुरचुंडी करून, जसं आपण कपडे धुताना आपटतो, तसं जमिनीवर किंवा ओट्यावर हलक्या हाताने एक-दोन वेळा आपटा.
लाटण्याने लाटा - त्यानंतर ते कापड तसंच जमिनीवर पसरून, पोळीच्या लाटण्याने (Rolling Pin) त्यावर हलकेच एक-दोन वेळा लाटा.
किचन टॉवेल उघडून पाहिल्यावर लसणाची सालं पूर्णपणे निघालेली दिसतील. एकही साल न लागलेल्या स्वच्छ लसणाच्या पाकळ्या तुम्ही सहजपणे वेगळ्या करून, वाटीत काढून स्वयंपाकासाठी वापरू शकता. नखं न दुखवता आणि बोटांना वास न लागू देता, काही क्षणांत काम पूर्ण करणारी ही सोपी आयडिया गृहिणींना खूप आवडली आहे आणि सोशल मीडियावर तिला प्रचंड पसंती मिळत आहे.
