अभ्यासात ६० ग्रॅम शेंगदाणे वापरले गेले असले, तरी सर्वांनी तेवढेच खावे, असे नाही.
• मीठ न घातलेले भाजलेले शेंगदाणे निवडावेत.
• ते प्रमाणात खाणे गरजेचे आहे.
• जास्त मीठ, तेल लावून भाजलेले शेंगदाणे टाळावेत.
• ज्यांना शेंगदाण्याची ॲलर्जी आहे, त्यांनी ते खाऊ नयेत.
• शरीराचे वजन आणि रोजच्या कॅलरीच्या गरजेनुसार शेंगदाण्याचे प्रमाण ठरवावे.
शेंगदाणे खाल्ल्यास विसरभोळेपणा दूर होतो का?
अनेकांना पडणारा हा महत्त्वाचा प्रश्न आहे.
शेंगदाणे खाल्ल्याने अल्झायमर, स्मृतिभ्रंश किंवा विसरभोळेपणा बरा होतो, असा कोणताही पुरावा या अभ्यासातून मिळालेला नाही.
शिवाय, २०२६ मधील (संदर्भानुसार) एका छोट्या अभ्यासात स्मरणशक्ती कमी झालेल्या आणि हृदयविकाराचा धोका असलेल्या वृद्धांना १२ आठवडे शेंगदाणे दिले गेले. त्यात त्यांच्या स्मरणशक्तीत किंवा मेंदूच्या कार्यात कोणतीही विशेष सुधारणा दिसली नाही.
थोडक्यात सांगायचे तर, मेंदूच्या आरोग्यासाठी शेंगदाणे एक पौष्टिक आहार आहे. पण, ते मेंदूला शार्प करणारे 'जादुई अन्न' नाही. संतुलित आहार, पुरेशी झोप, व्यायाम यांच्यासोबतच मेंदूचे आरोग्य जपावे लागेल.