शक्तिशाली बॅटरीसह OnePlus Turbo सीरीज 2 महिन्यात होणार लॉन्च, वाचा फिचर्स!

OnePlus Turbo Series Launching Soon : OnePlus Turbo ही एक स्मार्टफोन सीरीज असेल, ज्यात अनेक हँडसेट असतील. गेमर्सना लक्षात घेऊन तयार केलेल्या या हँडसेट सीरीजमध्ये सेगमेंटमधील सर्वात मोठी बॅटरी असेल. 

OnePlus Turbo Series Launching Soon : OnePlus ने Turbo सीरीज लाँच करण्याची अधिकृत घोषणा केली आहे. OnePlus चीनचे अध्यक्ष ली जी लुईस यांनी Weibo वरील एका पोस्टमध्ये स्पष्ट केले आहे की, कंपनी लवकरच हा फोन लाँच करण्याची योजना आखत आहे. ली जी लुईस यांनी सांगितले की, OnePlus Turbo ही एक सीरीज असेल, ज्यामध्ये अनेक हँडसेट असतील. मात्र, त्यांनी या सीरीजच्या स्पेसिफिकेशन्सबद्दल कोणतीही माहिती उघड केली नाही. तरीही, त्यांनी सांगितले की OnePlus Turbo सीरीजमध्ये सेगमेंटमधील सर्वात शक्तिशाली बॅटरी लाईफ आणि दमदार परफॉर्मन्स मिळेल. यापूर्वी आलेल्या रिपोर्ट्सनुसार, ही सीरीज पुढील दोन महिन्यांत भारतात सादर केली जाईल.

OnePlus Turbo सीरीज

OnePlus चीनचे अध्यक्ष ली जी यांनी सांगितले की, OnePlus Turbo सीरीजमध्ये कंपनीच्या फ्लॅगशिप डिव्हाइसेसप्रमाणेच परफॉर्मन्स घटक मिळतील. रिपोर्ट्सनुसार, या स्मार्टफोनमध्ये तोच स्नॅपड्रॅगन 8 जेन 8 एलिट जेन 5 चिपसेट असेल जो OnePlus 15 ला पॉवर देतो. इतकेच नाही, तर पोस्टमध्ये हेही स्पष्ट केले आहे की, Turbo सीरीज ही गेमिंगवर लक्ष केंद्रित करणारी एक लाइनअप असेल.

यापूर्वीच्या रिपोर्ट्समध्ये दावा केला होता की, कंपनी चीनमध्ये OnePlus Ace 6 Turbo नावाचा स्मार्टफोन लाँच करण्याची योजना आखत आहे. परंतु ली जी यांच्या पोस्टनुसार, नवीन रिपोर्ट्समध्ये म्हटले आहे की हे नाव एका डिव्हाइसचे नसून संपूर्ण लाइनअपचे असेल. त्यामुळे, हा स्मार्टफोन Ace 6 आणि Ace 6T चा भाग नसेल, तर तो Turbo सीरीजचा भाग असण्याची शक्यता आहे.

फोनची वैशिष्ट्ये

या स्मार्टफोनमध्ये 6.78-इंचाचा LTPS OLED स्क्रीन, 1.5K रिझोल्यूशन आणि 144Hz किंवा 165Hz रिफ्रेश रेट असू शकतो, असे संकेत आहेत. रिपोर्ट्सनुसार, यात 9,000mAh बॅटरी दिली जाईल. जर ही वैशिष्ट्ये खरी ठरली, तर पोस्टमध्ये उल्लेख केलेली शक्तिशाली बॅटरी आणि गेमिंग फोकस याला जुळतात. जानेवारी किंवा फेब्रुवारी 2026 मध्ये चीनमध्ये लाँच होणाऱ्या OnePlus Ace 6 Turbo प्रमाणेच या नवीन फोनच्या लाँचची वेळ अपेक्षित आहे.