Relationship Guide : मुंबई, पुण्यासारख्या महानगरांमध्ये वाढतोय वन नाईट स्टॅन्डचा ट्रेंड

मुंबई - मुंबई पुण्यासारख्या महाराष्ट्रातील महानगरांमध्ये वन नाईट स्टॅन्डचा ट्रेन्ड वाढताना दिसतोय. शारीरिक किंवा मानसिक गरज पूर्ण करण्यासाठी आणि त्यानंतर कोणतीही जबाबदारी न ठेवण्यासाठी या ट्रेन्डकडे तरुणाईचा कल वाढतोय. या हटके ट्रेंडबाबत इतर माहिती…

२१व्या शतकातल्या नात्यांमध्ये विश्वास राहिलेला नाही असं वाटतं. आजकाल नात्यांमध्ये अनेक ट्रेंड सुरू झाले आहेत. आता वन नाईट स्टँड रिलेशनशिपचा ट्रेंड सुरू झाला आहे. या वन नाईट स्टँड रिलेशनशिपमध्ये भावनांना काहीच किंमत नसते. यात एका रात्रीपुरता शारीरिक किंवा मानसिक आधाराचा संबंध असतो.

आजकालच्या तरुणांना वन नाईट स्टँड रिलेशनशिप आकर्षित करत आहे. या रिलेशनशिपमध्ये फक्त शारीरिक सुखासाठीच नाते ठेवलं जातं. सुरवातीला परदेशात हा ट्रेंड सुरू झाला. त्यानंतर आता भारतातील मेट्रो शहरांमध्ये लोकप्रिय होतोय. यात जबाबदारी काही नसते. एक रात्र एन्जॉय करायची आणि दुसर्या दिवशी आपापल्या मार्गांनी निघून जायचे, एवढा सोपा अर्थ असतो.

महानगरांसह परदेशातही मुलं तर काय, मुलीही वन नाईट स्टँड लाईफस्टाईलकडे आकर्षित होत आहेत. मुलीही या ट्रेन्डसाठी पुढाकार घेताना दिसून येत आहेत. म्हणजेच पहिल्यांदाच मुली त्यांच्या शारीरिक गरजांबाबत खुलेपणाने बोलत असल्याचे दिसून येत आहे. रिपोर्ट्सनुसार, महाराष्ट्रातही वन नाईट स्टँड लाईफस्टाईल सुरू झाली आहे असं म्हटलं जात आहे. पण ही लाईफस्टाईल फक्त महानगरांपुरतीच मर्यादित आहे.

माध्यमांच्या वृत्तानुसार, अमेरिकेत वन नाईट स्टँड ट्रेंड जास्त आहे. इथल्या तरुणाईत ही संस्कृती रुजलेली आहे. अमेरिकेत सुमारे ७२% पुरुषांनी वन नाईट स्टँड रिलेशनशिपमध्ये असल्याचं कबूल केलं आहे. अमेरिकेतल्या १० पैकी ७ पुरुष एका रात्रीच्या नात्यात आहेत. एवढेच नव्हे तर विदेशात पेड वन नाईट स्टॅन्डही आहे. हे वेश्या व्यवसायासारखे वाटेल, पण ते तसे नाही. यातील मुली या वेश्या नसतात. तर कॉलेज किंवा नोकरी करणार्या तरुणी असतात.

पुरुषच नाही तर अमेरिकेतल्या महिलाही वन नाईट स्टँड रिलेशनशिपमध्ये रस घेतात. अमेरिकेतल्या ६८% महिला वन नाईट स्टँड रिलेशनशिपमध्ये सहभागी झाल्याचं कबूल केलं आहे. अमेरिकेत शारीरिक संबंध हा काही वाळीत टाकलेला विषय नाही. महिला आणि मुलीही यावर खुलेपणाने बोलतात आणि निर्णय घेतात. 

अमेरिकेत डेटिंग अ‍ॅप्सच्या माध्यमातून वन नाईट स्टँड रिलेशनशिपसाठी लोकांशी संपर्क साधला जातो. क्लब, पार्ट्यांमध्ये भेटून आपल्या एका दिवसाच्या जोडीदाराची निवड केली जाते. पण या नात्याला समस्या मानलं जात नाही. अमेरिकेतल्या एकूण लोकसंख्येत ४२% लोक वन नाईट स्टँड रिलेशनशिपमध्ये सहभागी झाले आहेत. नॉर्वे आणि ऑस्ट्रेलियासारख्या देशांमध्येही हे रिलेशनशिप सामान्य आहे.