बुध-केतुची युती : या 4 राशींसाठी आहे अशुभ, वाईट बातमी मिळण्याची शक्यता!

नवग्रहांपैकी एक बुध ग्रह 30 ऑगस्ट 2025 रोजी कर्क राशीतून निघून सिंह राशीत प्रवेश करणार आहे. बुधाचं हे राशी बदलणं 4 राशींना खूपच अशुभ ठरणार आहे. या राशींच्या लोकांसाठी वाईट दिवस सुरू होऊ शकतात.

बुध ग्रहाचे राशिभविष्य

ज्योतिषशास्त्रानुसार बुध ग्रह हा 9 ग्रहांपैकी एक आहे आणि खूप महत्त्वाचा मानला जातो. बुध साधारणपणे 23 दिवसांनी राशी बदलतो. बुधला बुद्धी आणि वाणीचा कारक मानलं जातं. 30 ऑगस्टला जेव्हा बुध सिंह राशीत प्रवेश करेल, तेव्हा तिथे आधीच केतु असेल. त्यामुळे 18 वर्षांनी सिंह राशीत बुध-केतुची युती होणार आहे. ही युती 4 राशींवर जास्त नकारात्मक परिणाम करणार आहे.

मेष राशीसाठी वाईट बातमी

या राशीच्या लोकांनी खूप काळजी घ्यायला हवी. त्यांना एखादी वाईट बातमी मिळू शकते ज्यामुळे मानसिक तणाव वाढेल. कुटुंबातील एखाद्या सदस्याचं नुकसान होऊ शकतं. आई-वडिलांच्या आरोग्याबद्दल चिंता राहील. नोकरी किंवा व्यवसायाबाबत कोणताही मोठा निर्णय या काळात घेऊ नये. आरोग्याचंही विशेष भान ठेवा.

कर्क राशीचे आरोग्य बिघडेल

या राशीच्या लोकांची तब्येत बिघडू शकते. कारण बुध-केतुची युती या राशीच्या 12व्या स्थानी होत आहे. मुलांमुळे अपमानजनक प्रसंग येऊ शकतो. कोर्ट-कचेरीशी संबंधित कामांत अपयश मिळू शकतं. पती-पत्नीमध्ये मोठा वाद होऊ शकतो. दिलेला पैसा अडकू शकतो.

तूळ राशीला धनहानी

या राशीच्या लोकांना पैशाचं नुकसान होऊ शकतं. व्यवसायात मोठी डील रद्द होऊ शकते. नोकरीत डिमोशन मिळण्याची शक्यता आहे. वरिष्ठ अधिकारी रागावू शकतात. अपघाताची शक्यता असल्याने वाहन काळजीपूर्वक चालवा. गुंतवणूक करू नका. जुने आजार पुन्हा त्रास देऊ शकतात.

कुंभ राशी सावधान

सिंह राशीत बुध-केतुची युती होत असल्याने या राशीच्या लोकांनी सतर्क राहणं आवश्यक आहे. त्यांच्या विरोधात कट होऊ शकतो. राजकारणातील लोक स्वतःच्या लोकांच्या कारस्थानात अडकू शकतात. नको असतानाही काही कामं करावी लागतील. ऑफिसमध्ये टारगेट पूर्ण न केल्याने अपमानास्पद परिस्थिती येऊ शकते. प्रेमसंबंध तुटू शकतात.