Cholesterol Control : कोलेस्ट्रॉल नियंत्रणात ठेवायचंय? मग आहारात 'या' ५ गोष्टी हव्याच

शरीरातील कोलेस्ट्रॉलची पातळी नियंत्रणात ठेवण्यासाठी आहारात कोणत्या ५ गोष्टींचा समावेश करायला हवा, हे जाणून घेऊया.

आवळा

आवळा व्हिटॅमिन सी, आवश्यक मिनरल्स आणि अमिनो ॲसिडने भरपूर असतो. तो शरीरातील कोलेस्ट्रॉल कमी करायला मदत करतो. इतकंच नाही, तर रक्तवाहिन्यांमध्ये फॅट्स जमा होण्यापासून रोखतो आणि हृदयाच्या आजारांपासूनही बचाव करतो.

ग्रीन टी

ग्रीन टीमध्ये पॉलिफेनॉल्स नावाचे शक्तिशाली अँटीऑक्सिडंट्स भरपूर असतात. ग्रीन टी शरीरातील खराब कोलेस्ट्रॉल कमी करते आणि चांगले कोलेस्ट्रॉल वाढवण्यासाठीही मदत करते.

लिंबू

लिंबू आणि इतर सिट्रस फळांमध्ये व्हिटॅमिन सी आणि अँटीऑक्सिडंट्स भरपूर प्रमाणात असतात. ही फळं शरीरातील विषारी घटक बाहेर काढतात आणि सूज कमी करायलाही मदत करतात.

पालक

पालक अनेक पोषक तत्वांनी भरलेला असतो, त्यामुळे तो आरोग्यासाठी खूप फायदेशीर आहे. पालकमधील कॅरोटीनॉइड्स शरीरातील कोलेस्ट्रॉलची पातळी कमी करायला मदत करतात.

अक्रोड

अक्रोड खाल्ल्याने वजन कमी होते आणि कोलेस्ट्रॉलची पातळी सुधारण्यासही मदत मिळते. हृदयाचे आरोग्य जपण्यात अक्रोड महत्त्वाची भूमिका बजावतो.