Published : Jun 23, 2025, 11:39 AM ISTUpdated : Jun 23, 2025, 03:46 PM IST
मुंबई - हिंदी सिनेसृष्टीतील प्रसिद्ध अभिनेत्री काजल अग्रवाल नुकतीच ४०वा वाढदिवस साजरा करून परतली आहे. मालदीवमध्ये झालेल्या खास सेलिब्रेशनच्या फोटोंनी सोशल मीडियावर धुमाकूळ घातला आहे. कुटुंबासह हा खास क्षण अधिकच अविस्मरणीय ठरला आहे. बघा तिचे फोटोज…
काजलने आपल्या इन्स्टाग्राम अकाऊंटवरून काही निवडक फोटो शेअर केले असून त्यामध्ये ती समुद्रकिनाऱ्यावर कुटुंबासमवेत शांत क्षणांचा आनंद लुटताना दिसते. या फोटोंमध्ये तिचा आत्मविश्वास, सौंदर्य आणि सहजसुंदर शैली पुन्हा एकदा समोर आली आहे. वाढदिवसानिमित्त तिच्या चाहत्यांनी, सहकलाकारांनी आणि मित्रपरिवाराने तिला भरभरून शुभेच्छा दिल्या आहेत.
212
बॉक्स ऑफिसवर ‘सिकंदर’ फिकट, पण काजलचा प्रभाव ठसठशीत
काजल अग्रवालने अलीकडेच सलमान खानच्या ‘सिकंदर’ या चित्रपटात काम केले. चित्रपटाने जरी बॉक्स ऑफिसवर काही विशेष कामगिरी केली नसली, तरी काजलच्या मोजक्या भूमिकेने प्रेक्षकांवर ठसा उमटवला होता. तिची स्क्रीनवरील उपस्थिती अजूनही प्रभावी असल्याचं या भूमिकेतून अधोरेखित झालं.
312
अभिनयाच्या आघाडीवर काजलची दमदार तयारी
काजल लवकरच ‘कन्नप्पा’ या बहुचर्चित तेलुगू चित्रपटात देवी पार्वतीच्या भूमिकेत झळकणार आहे. या भूमिकेबद्दल प्रेक्षकांमध्ये मोठी उत्सुकता आहे. त्याशिवाय ती कमल हसन यांच्यासोबत ‘इंडियन ३’ मध्येही महत्त्वाच्या भूमिकेत दिसणार आहे. हिंदी चित्रपट ‘द इंडिया स्टोरी’ देखील तिच्या आगामी चित्रपटांमध्ये असून सध्या त्याचं चित्रीकरण सुरू आहे.
४० वर्षे पूर्ण करूनही काजल अग्रवाल आपल्या सौंदर्याने, अभिनयाने आणि व्यक्तिमत्त्वाने चाहत्यांना मंत्रमुग्ध करत आहे. तिच्या फॅन्ससाठी ती केवळ एक अभिनेत्री नाही, तर प्रेरणा देणारी एक व्यक्ती आहे, जी कौटुंबिक आयुष्य आणि व्यावसायिक कारकिर्द यांचा योग्य समतोल राखते.
512
तिचं तेज, तिची प्रतिभा आणि चाहत्यांशी जिव्हाळा
काजलच्या आयुष्यातील हा नवा अध्याय तिच्या करिअरमध्ये किती यशस्वी ठरेल हे पाहणं उत्सुकतेचं ठरणार आहे. पण एक गोष्ट नक्की, तिचं तेज, तिची प्रतिभा आणि चाहत्यांशी असलेला जिव्हाळा अजूनही तितकाच प्रभावशाली आहे.
