Apple च्या पहिल्या iPhone फोल्डची किंमत झाली लीक, SAMSUNG ला देणार टक्कर!

Apple First Foldable iPhone Price Leaked : आयफोन फोल्ड नावाने बाजारात येणाऱ्या फोल्डेबल स्मार्टफोनच्या किंमतीचा अंदाज समोर आला आहे. भारतात आयफोन फोल्ड खरेदी करणे म्हणजे खिसा रिकामा करणे हे निश्चित झाले आहे. 

Apple First Foldable iPhone Price Leaked : कंपनीच्या इतिहासातील पहिल्या फोल्डेबल आयफोनची ॲपलचे चाहते आतुरतेने वाट पाहत आहेत. फोल्डेबल स्मार्टफोनच्या बाजारात सॅमसंगच्या मक्तेदारीला आव्हान द्यायचे असेल, तर ॲपलला लवकरात लवकर फोल्ड फोन बाजारात आणावा लागेल. 'तुमचा फोल्डेबल फोन कुठे आहे?' असे विचारून सॅमसंगने ॲपलला ट्रोल करायला सुरुवात करून बराच काळ लोटला आहे. 2026 मध्ये लाँच होण्याची शक्यता असलेल्या आयफोन फोल्डची (iPhone Fold) किंमत आता लीक झाली आहे. सुरुवातीच्या संकेतांनुसार, आयफोन फोल्डची किंमत दोन लाख रुपयांपेक्षा जास्त असू शकते.

आयफोन फोल्ड : किंमत जास्त असेल 

ॲपलचा पहिला फोल्डेबल स्मार्टफोन, आयफोन फोल्ड, याची किंमत अमेरिकेत 1,800 डॉलर (1,60,826 रुपये) पासून सुरू होईल. स्टोरेज ऑप्शननुसार ही किंमत 2,500 डॉलर (2,23,369 रुपये) पर्यंत वाढू शकते. क्रीज-फ्री डिस्प्लेसह उत्कृष्ट तांत्रिक वैशिष्ट्ये आणि प्रीमियम घटकांमुळे आयफोन फोल्डची किंमत इतकी जास्त असल्याचे म्हटले जात आहे. फ्युबॉन रिसर्चचे विश्लेषक आर्थर लिओ यांनी आयफोन फोल्डच्या किंमतीचा अंदाज वर्तवला आहे. 2026 मध्ये ॲपल 5.4 दशलक्ष युनिट्स फोन लाँच करण्याची शक्यता असल्याचेही विश्लेषकांचे म्हणणे आहे. आयफोन फोल्डची भारतात किती किंमत असेल, याबाबत अद्याप कोणतीही माहिती समोर आलेली नाही. पण, किंमत खूप जास्त असेल हे निश्चित आहे. 

आयफोन 18 सीरिज कधी लाँच होणार? 

2026 मध्ये आयफोन 18 प्रो मॉडेल्ससोबत ॲपल आयफोन फोल्ड सादर करेल. बेस आयफोन 18 आणि आयफोन 18E मॉडेल्स 2027 च्या सुरुवातीला ॲपल बाजारात आणेल, असेही रिपोर्ट्समध्ये म्हटले आहे. अल्ट्रा-स्लिम व्हेरिएंट आयफोन एअर 2 कधी लाँच होईल, हे अद्याप स्पष्ट नाही. पण, आयफोन 18 लाइनअपमध्ये आयफोन फोल्ड सर्वात आकर्षक असेल हे निश्चित आहे.