Stubborn Pimples : 7 दिवसांचं चॅलेंज घ्या, चेहऱ्यावरील पिंपल्स कायमचे गायब होतील

Stubborn Pimples : तुम्हीही पिंपल्स आणि मुरुमांच्या समस्येने हैराण असाल, महागड्या स्किन केअर उत्पादनांचा वापर करूनही पिंपल्स पुन्हा येतात. अशा वेळी फक्त त्वचेची काळजी घेऊन चालत नाही, तर आहार आणि जीवनशैलीकडेही लक्ष देणं गरजेचं असल्याचं तज्ज्ञ सांगतात.

७ दिवसांचं हेल्दी चॅलेंज

बदलतं हवामान, चुकीची जीवनशैली आणि जंक फूड यामुळे चेहऱ्यावर पिंपल्स येतात. आपण कितीही स्किन केअर रूटीन फॉलो केलं तरी हे पिंपल्स पाठ सोडत नाहीत. यामुळे अनेकदा बाहेर जायलाही नको वाटतं. पण तुम्ही एकदा हे ७ दिवसांचं हेल्दी चॅलेंज नक्की करून पाहा. या उपायाने पिंपल्सची समस्या कायमची दूर होईल.

हा उपाय कसा तयार करायचा?

रात्री झोपण्यापूर्वी ३ ते ४ लवंगा पाण्यात भिजत ठेवा. सकाळी उठल्यावर या लवंगांची बारीक पेस्ट तयार करा. आता यात थोडं मध, लिंबाच्या रसाचे काही थेंब आणि ताज्या कडुलिंबाच्या पानांची पेस्ट मिसळा. तज्ज्ञांच्या मते, हे मिश्रण तुम्ही सकाळी रिकाम्या पोटी खायला हवं.

पिंपल्सवर हा उपाय कसा काम करतो?

लवंगामध्ये अँटी-इन्फ्लेमेटरी आणि अँटी-मायक्रोबियल गुणधर्म असतात, असं संशोधनातून सिद्ध झालं आहे. कडुलिंबाचा वापर आपण पारंपारिक स्किन केअरमध्ये वर्षानुवर्षे करत आलो आहोत. तसेच मध आणि लिंबाचा रस आपल्या आरोग्यासाठी खूप फायदेशीर ठरतो.

७ दिवसांत खरंच फरक दिसेल का?

तुम्ही हा उपाय नियमितपणे केल्यास पिंपल्स आणि सूज कमी झालेली नक्की दिसेल. पण प्रत्येकाची त्वचा, हार्मोन्स, आहार आणि पिंपल्सची तीव्रता वेगवेगळी असते. त्यामुळे अवघ्या ७ दिवसांत पिंपल्स पूर्णपणे जातील असा दावा करता येत नाही. पिंपल्स नियंत्रणात ठेवण्यासाठी भरपूर पाणी प्या, साधा आहार घ्या आणि तेलकट-तिखट पदार्थ खाणं टाळा. पिंपल्सचा त्रास जास्त असल्यास डर्मेटोलॉजिस्टचा सल्ला घ्या. गरोदर महिलांनी किंवा आजारी व्यक्तींनी हा उपाय करण्यापूर्वी डॉक्टरांना नक्की विचारावे.

डॉक्टरांचा सल्ला नक्की घ्या

रिकाम्या पोटी हे मिश्रण खाल्ल्याने पिंपल्स नक्की कमी होतील, याचा कोणताही वैद्यकीय पुरावा उपलब्ध नाही. प्रत्येकाची त्वचा वेगळी असते. त्यामुळे या बातमीतील माहिती फक्त सामान्य जागरूकतेसाठी दिली आहे. हा उपाय कोणत्याही वैद्यकीय उपचारांना पर्याय नाही.