Devendra Fadnavis | रामटेकमध्ये कृषी महाविद्यालय; फडणवीसांचे भाषण

नागपूरच्या रामटेकमध्ये दत्ताजी मेघे यांच्या स्मृतिदालनाचे अनावरण आणि कृषी व पशुवैद्यकीय महाविद्यालयांचे उद्घाटन झाले. या कार्यक्रमाला मुख्यमंत्री देवेंद्र फडणवीस, सरसंघचालक मोहन भागवत, केंद्रीय मंत्री नितीन गडकरी आणि इतर मान्यवर उपस्थित होते. फडणवीस यांनी दत्ताजी मेघे यांच्या शिक्षण, आरोग्य आणि सामाजिक क्षेत्रातील योगदानाचा गौरव केला. हवामान बदलामुळे शेतीसमोर निर्माण झालेल्या आव्हानांवर मात करण्यासाठी संशोधन, कमी पाण्यात अधिक उत्पादन देणारी पिके आणि आधुनिक कृषी शिक्षण आवश्यक असल्याचे त्यांनी सांगितले. पशुपालन, देशी गाईंचे संवर्धन आणि आधुनिक पशुवैद्यकीय शिक्षणाचे महत्त्वही त्यांनी अधोरेखित केले. मेघे कुटुंबाच्या कार्याचे कौतुक करत नव्या महाविद्यालयांना शुभेच्छा दिल्या.