Sanjay Raut | Manoj Jarange Patil | ५०० कोटींच्या ऑडिओवर संजय राऊतांची ED चौकशीची मागणी

मनोज जरांगे पाटील यांनी समोर आणलेल्या कथित ५०० कोटींच्या ऑडिओ क्लिपप्रकरणी संजय राऊत यांनी केंद्रीय गृहमंत्री अमित शाह यांना पत्र लिहून ईडीमार्फत चौकशीची मागणी केली. आंदोलन संपवण्यासाठी ५०० कोटी रुपये दिल्याचा आरोप करत ही रक्कम कुठून आली, कोणाला दिली आणि कुठे गेली, याचा तपास करण्याची मागणी त्यांनी केली. मुख्यमंत्री देवेंद्र फडणवीस यांनी नियुक्त केलेल्या एसआयटीवर टीका करत गुन्हा दाखल करण्याची मागणीही त्यांनी केली. अनिल देशमुख यांच्या १०० कोटींच्या प्रकरणाचा दाखला देत राऊत यांनी केंद्र सरकारला प्रश्न विचारले. ऑडिओ क्लिप उद्धव ठाकरे आणि संजय राऊत यांच्या वॉर रूममध्ये तयार झाल्याचा प्रसाद लाड यांचा आरोप त्यांनी फेटाळला. तसेच श्रीकांत शिंदे यांच्या ५०० कोटींबाबतच्या वक्तव्यावरूनही राऊत यांनी त्यांच्यावर आर्थिक व्यवहारांसंबंधी आरोप केले.