Rapido Rider Suspended After Assam Woman Alleges Misconduct in Viral Video: एका तरुणीने रॅपीडो राईड दरम्यान बाईक टॅक्सी चालकाने तिला चुकीच्या पद्धतीने स्पर्श केल्याचा आरोप केला आहे. तिने इन्स्टाग्रामवर एक व्हिडिओ शेअर केला आहे.
Assam woman alleges inappropriate touching during Rapido ride
आसाममधील एका तरुणीने रॅपीडो राईड दरम्यान बाईक टॅक्सी चालकाने चुकीच्या पद्धतीने स्पर्श केल्याचा आरोप केला आहे. तिने इन्स्टाग्रामवर एक व्हिडिओ आणि संपूर्ण घटना शेअर केली. चालकाने पाठीला खाजवण्याच्या बहाण्याने तिला वारंवार स्पर्श करण्याचा प्रयत्न केला, असं तिने म्हटलं आहे. या पोस्टमुळे ऑनलाइन तीव्र प्रतिक्रिया उमटत असून कंपनीनेही याची दखल घेतली आहे.
25
What the woman said happened
तिच्या पोस्टनुसार, तिने ऑफिस सुटल्यावर रॅपीडो बुक केली. सुरुवातीला प्रवास सामान्य होता, पण नंतर चालकाने हाताने तिला अनेकदा स्पर्श केला. सुरुवातीला तिला वाटलं की तो फक्त पाठ खाजवत आहे. पण दुसऱ्यांदा असं झाल्यावर तिने मोबाईलवर घटनेचं रेकॉर्डिंग सुरू केलं. तिने लिहिलंय की, स्पर्श टाळण्यासाठी ती बाहेरच्या बाजूला झुकली, पण चालक तिला स्पर्श करण्याचा प्रयत्न करतच राहिला. त्याने तिचं घर कुठे आहे, ती एकटी राहते की शेअरिंगमध्ये, आणि कुठे काम करते असे वैयक्तिक प्रश्नही विचारले. यामुळे तिला खूप असुरक्षित आणि अस्वस्थ वाटलं.
35
Rider details and company response
तरुणीने तिच्या पोस्टमध्ये अॅपवर दिसणारं रायडरचं नाव 'अनिश कुमार राऊत' असल्याचं सांगत कंपनीला टॅग केलं. रॅपीडोने यावर प्रतिसाद देत, घडलेल्या प्रकाराबद्दल माफी मागितली आणि राईडची माहिती शेअर करण्यास सांगितलं. नंतर कंपनीने सांगितलं की, त्या रायडरला कायमचं निलंबित केलं असून त्याची कागदपत्रं ब्लॅकलिस्ट केली आहेत. गरज पडल्यास कायदेशीर मदतही दिली जाईल, असं आश्वासन कंपनीने दिलं. तरुणीने अधिकृत मार्गाने तक्रार केल्याचं म्हटलं आहे. मात्र, रायडरला तिचं घर आणि कामाची जागा दोन्ही माहीत असल्याने, सुरक्षेच्या कारणास्तव तिने सध्या एफआयआर (FIR) दाखल न करण्याचा निर्णय घेतला आहे.
45
Online reactions and debate
हा व्हिडिओ ऑनलाइन खूप चर्चेत आला. अनेक युझर्सनी तरुणीला पाठिंबा दिला आणि म्हटलं की अशा तणावपूर्ण परिस्थितीत माणसं गोंधळून जातात. तर काहींनी, तिने रायडरला लगेचच जाब का विचारला नाही, असं म्हणत तिलाच दोष दिला. अनेक युझर्सनी कठोर कारवाईची मागणी केली आणि अॅपद्वारे तक्रार करून कमी रेटिंग देण्याचा सल्ला दिला. तरुणीने स्पष्ट केलं की अंतर फक्त 0.4 किमी होतं आणि तिने वेळेच्या सोयीसाठी बाईक टॅक्सी निवडली होती, पैशांसाठी नाही. स्कूटरवर पुरेशी जागा होती आणि तो स्पर्श मुद्दाम केलेला होता, असंही तिने सांगितलं.
55
Safety concerns and awareness
या घटनेमुळे सार्वजनिक वाहतूक सेवांमध्ये प्रवाशांची सुरक्षा, मर्यादा आणि आदराने वागण्याचे महत्त्व यावर पुन्हा एकदा चर्चा सुरू झाली आहे. तज्ज्ञांच्या मते, जागरूकता आणि वेळेवर तक्रार करणे महत्त्वाचे आहे. तसेच, कंपन्यांनी तक्रारींवर तातडीने कारवाई केली पाहिजे. या व्हिडिओशी संबंधित कोणत्याही पोलीस केसबद्दल अधिकाऱ्यांनी अद्याप कोणतंही सार्वजनिक निवेदन जारी केलेलं नाही.
