"₹५०,००० रोख रक्कम, दोन महिन्यांचे औषध साठा तयार ठेवा", मोदी सरकारच्या नावाने व्हायरल होणारी advisory खोटी असल्याचे स्पष्ट

सोशल मीडियावर सध्या एक बनावट advisory प्रचंड वेगाने व्हायरल होत आहे.

नवी दिल्ली - सोशल मीडियावर सध्या एक बनावट advisory प्रचंड वेगाने व्हायरल होत आहे, ज्यामध्ये असा दावा केला जात आहे की पंतप्रधान नरेंद्र मोदी यांच्या नेतृत्वाखालील केंद्र सरकारने नागरिकांना काही महत्त्वाच्या गोष्टी तयार ठेवण्यास सांगितले आहे, जसे की ₹५०,००० रोख रक्कम, दोन महिन्यांचे औषधसाठा, आपत्कालीन संपर्कांची यादी इत्यादी.

या सल्ल्याचा उद्देश सीमेवरील तणावाच्या पार्श्वभूमीवर सावधगिरी बाळगण्याचा सल्ला देणे असल्याचे त्या बनावट advisory मध्ये म्हटले आहे.

काय आहे व्हायरल होणाऱ्या सल्ल्याचा दावा?

या बनावट advisory मध्ये म्हटले आहे की:

प्रत्येक नागरिकाने ₹५०,००० रोख रक्कम घरी ठेवावी.

दोन महिन्यांसाठी लागणारी आवश्यक औषधे साठवून ठेवावीत.

आपत्कालीन स्थितीत कामी येतील असे संपर्क क्रमांक तयार ठेवावेत.

देशाच्या सीमेवर तणावाची परिस्थिती असून, नागरिकांनी शांत व सावध राहावे.

पीआयबी फॅक्ट चेकने केला खुलासा

मात्र, PIB (Press Information Bureau) फॅक्ट चेक विभागाने या advisory ला बनावट ठरवले आहे. त्यांच्या अधिकृत ट्विटर हँडलवरून स्पष्ट करण्यात आले की, "सरकारने अशी कोणताही advisory जारी केलेली नाही. सोशल मीडियावर व्हायरल होणारा सल्ला पूर्णपणे खोटा आहे."

बनावट माहितीचा धोका

सीमेवरील तणावाची पार्श्वभूमी आणि देशातील नागरिकांच्या भावनांचा गैरफायदा घेऊन अशा प्रकारच्या बनावट advisory पसरवल्या जात आहेत. त्यामुळे नागरिकांनी अधिकृत सरकारी स्त्रोतांकडूनच माहिती मिळवावी, असे आवाहन करण्यात येत आहे.

काय करावे?

अशा प्रकारच्या व्हायरल मेसेजवर विश्वास ठेवू नका.

अधिकृत सरकारी वेबसाईट आणि PIB फॅक्ट चेकसारखे खात्रीशीर स्रोत तपासा.

बनावट मेसेज फॉरवर्ड करणे टाळा.

अशा माहितीबाबत शंका असल्यास @PIBFactCheck ला पाठवा.

सोशल मीडियावर पसरत असलेला ₹५०,००० रोख रक्कम व औषध साठ्याबाबतची advisory पूर्णतः बनावट आहे. केंद्र सरकारने असा कोणतीही advisory जारी केलेली नाही, हे स्पष्टपणे सांगण्यात आले आहे. नागरिकांनी शांतता व सावधगिरी बाळगावी आणि अफवांपासून दूर राहावे.