Noida Airport:जेवर विमानतळावरून थेट विमानसेवा सुरू,तुमच्या शहराचा समावेश आहे का?

Noida International Airport Flight Routes and Start Date Revealed: दिल्ली-NCR आणि पश्चिम उत्तर प्रदेशातील लोकांसाठी आता मुंबई, गोवा किंवा बंगळुरूला जाणं खूप सोपं होणार आहे. पंतप्रधान नरेंद्र मोदी यांनी नोएडा आंतरराष्ट्रीय विमानतळाचं (जेवर) उद्घाटन केलं. पहिल्या टप्प्यात मुंबई आणि पुण्यासह १२ मोठ्या शहरांसाठी थेट विमानसेवा मिळणार आहे. 

Noida International Airport Flight Routes and Start Date Revealed: Noida Airport Flights: पश्चिम उत्तर प्रदेश (UP) आणि दिल्ली-NCR मधील लोकांसाठी आजचा दिवस ऐतिहासिक आहे. पंतप्रधान नरेंद्र मोदी यांनी शनिवारी नोएडा आंतरराष्ट्रीय विमानतळाचं (जेवर) उद्घाटन केलं आहे. आता तुम्हाला विमान पकडण्यासाठी दिल्लीच्या IGI विमानतळावरील लांब रांगा आणि तासनतासांच्या ट्रॅफिकमध्ये अडकण्याची गरज नाही. जेवर विमानतळ सुरू झाल्यामुळे तुमचा वेळ तर वाचेलच, पण तिकिटांच्या दरातही मोठी घट होण्याची शक्यता आहे. चला, जाणून घेऊया या विमानतळावरून कोणत्या शहरांसाठी विमानसेवा सुरू होणार आहे आणि त्यात तुमच्या शहराचा समावेश आहे की नाही?

पहिल्या टप्प्यात या १२ शहरांसाठी उड्डाण

विमानतळ प्रशासनाने सुरुवातीला अशा शहरांची निवड केली आहे, जिथे सर्वाधिक प्रवासी प्रवास करतात. पहिल्या टप्प्यात जेवर विमानतळावरून १२ मोठ्या शहरांसाठी थेट विमानसेवा मिळेल. यामध्ये मुंबई, बंगळुरू, हैदराबाद, चेन्नई, कोलकाता आणि पुणे या मेट्रो शहरांचा समावेश आहे. याशिवाय अहमदाबाद, लखनऊ, पाटणा, जयपूर, चंदीगड आणि सुट्ट्यांसाठी प्रसिद्ध असलेल्या गोव्यासाठीही विमानसेवा उपलब्ध असेल.

परदेशात जाण्यासाठीही विमानसेवा

देशांतर्गत विमानसेवा यशस्वी झाल्यानंतर लगेचच आंतरराष्ट्रीय विमानसेवा सुरू केली जाईल. अधिकाऱ्यांच्या माहितीनुसार, सर्वात आधी आखाती देश (Gulf Countries), दक्षिण-पूर्व आशिया आणि युरोपातील देशांना प्राधान्य दिलं जाईल. यावरही वेगाने काम सुरू आहे.

जेवर विमानतळावरून विमानसेवा कधी सुरू होणार?

विमानतळ प्रशासनाच्या म्हणण्यानुसार, मे २०२६ पासून इथून व्यावसायिक विमानं उड्डाण करू शकतात. सध्या इंडिगो, एअर इंडिया एक्सप्रेस आणि अकासा एअरलाइन्ससोबत करार झाला आहे. विमानतळावर चेक-इन काउंटर्स तयार झाले असून कर्मचाऱ्यांनी चाचणीही सुरू केली आहे.

जेवर विमानतळाची ३ सर्वात मोठी वैशिष्ट्ये

आशियातील नंबर-१: सर्व टप्पे पूर्ण झाल्यावर हे विमानतळ सुमारे ५२ चौरस किलोमीटरचं होईल, जे चीनच्या बीजिंग विमानतळापेक्षाही (४७ चौरस किमी) मोठं आहे.

२० मिनिटांत बोर्डिंग: इथली सर्वात खास गोष्ट म्हणजे, विमानतळात प्रवेश केल्यापासून फक्त २० मिनिटांत तुम्ही बोर्डिंग गेटपर्यंत पोहोचू शकाल. म्हणजेच, ताटकळत थांबण्याचा त्रास संपणार आहे.

स्मार्ट कनेक्टिव्हिटी: या विमानतळाला थेट मेट्रो, एक्सप्रेसवे आणि रेल्वे नेटवर्कशी जोडलं जात आहे, जेणेकरून तुम्ही तुमच्या घरातून थेट विमानतळापर्यंत कोणत्याही अडथळ्याशिवाय पोहोचू शकाल.