केजरीवाल जेलमध्ये जास्त वेळ घालवतील: सिरसा

Delhi Liquor Scam: २७ वर्षांनंतर गुरुवारी राजधानी दिल्लीत भाजपचे राज्य सुरू झाले आहे. मुख्यमंत्री रेखा गुप्ता यांनी रामलीला मैदानात शपथ घेतली. त्यांच्यासोबत ६ मंत्र्यांनी शपथ ग्रहण केली. यामध्ये दिल्ली भाजपचे मोठे नेते मनजिंदर सिंह सिरसा यांचाही समावेश आहे.

शपथ ग्रहण करण्यापूर्वीच मनजिंदर सिंह सिरसा यांनी आम आदमी पार्टीचे प्रमुख आणि दिल्लीचे माजी मुख्यमंत्री अरविंद केजरीवाल यांच्याबाबत मोठे विधान केले. ते म्हणाले की, "केजरीवाल यांना आपला बहुतांश वेळ तुरुंगात घालवावा लागेल." अरविंद केजरीवाल दिल्ली दारू घोटाळा प्रकरणात आरोपी आहेत. या प्रकरणात त्यांना अटक झाल्यानंतर बराच काळ तिहार तुरुंगात राहावे लागले होते. ते जामिनावर बाहेर आले आहेत. भाजपने आप सरकारने केलेल्या भ्रष्टाचाराची चौकशी करण्याचे म्हटले आहे.

मनजिंदर सिंह सिरसा म्हणाले- भ्रष्टाचारावर मोठा प्रहार होईल

मनजिंदर सिंह सिरसा म्हणाले, “पंतप्रधान नरेंद्र मोदी यांचे जे ध्येय आहे ते पूर्ण करण्यासाठी जी टीम बनली आहे त्याचा मलाही भाग बनवण्यात आले आहे. यासाठी मी नरेंद्र मोदी, अमित शाह, जेपी नड्डा यांचे आभार मानतो. पहिल्या मंत्रिमंडळात अनेक निर्णय होतील. आनंदाची बातमी येईल. यापेक्षा मोठी आनंदाची बातमी काय असू शकते की केजरीवाल म्हणत आहेत की मी आनंदी आहे. कधी विचार केला आहे का की केजरीवाल खरे बोलू शकतात. ज्याचे आयुष्य खोट्यात गेले आहे तो पहिल्यांदाच खरे बोलला. त्यांना माहित आहे की त्यांच्या मुलांनाही दिल्लीत स्वच्छ हवा-पाणी मिळेल. भ्रष्टाचारावर मोठा प्रहार होईल. केजरीवाल यांचा जास्त वेळ दिल्लीच्या न्यायालयात आणि तुरुंगात जाईल.”