मेरठमध्ये बुरखाधारी तरुणीला एका तरुणाने भररस्त्यात केले किस, बघा VIDEO

नोंदणी क्रमांक नसलेल्या बाईकवरून कमी गर्दीच्या रस्त्याने जाताना तरुणाने बुरखा घातलेल्या महिलेशी गैरवर्तन केले. ही घटना मेरठमध्ये घडली आहे.

मेरठ: चालत जात असलेल्या तरुणीला बाईकवरून आलेल्या तरुणाने किस केले. त्यानंतर पळून जाणाऱ्या तरुणाला अटक करण्यात आली आहे. उत्तर प्रदेशातील मेरठमधील लिसाडी गेट भागात २० मे रोजी घडलेल्या या घटनेचा व्हिडिओ सोशल मीडियावर व्हायरल झाला होता. महिला सुरक्षेवरून मोठी चर्चा सुरू झाली होती. या व्हिडिओमधील महिलेसोबत गैरवर्तन करणाऱ्या तरुणाला यूपी पोलिसांनी अटक केली आहे.

नोंदणी क्रमांक नसलेल्या बाईकवरून कमी गर्दीच्या रस्त्याने जाताना तरुणाने बुरखा घातलेल्या तरुणीशी गैरवर्तन केले. या घटनेचे सीसीटीव्ही फुटेज समोर आले आहे. मोहम्मद सुहैल या तरुणाला पोलिसांनी अटक केली आहे. अटक केलेल्या तरुणाचे फुटेज पोलिसांनी प्रसिद्ध केले आहे. चूक झाली असून पुन्हा असे वर्तन करणार नाही, असे तरुणाचे म्हणणे पोलिसांनी प्रसिद्ध केले आहे.

सीसीटीव्ही फुटेज समोर आल्यानंतर मेरठ पोलिसांनी त्याचा शोध सुरू केला होता. सीसीटीव्ही फुटेजच्या आधारे पोलिसांनी त्याची ओळख पटवली आणि त्याला अटक केली, अशी माहिती मेरठचे वरिष्ठ पोलीस अधीक्षक विपिन ताड यांनी माध्यमांना दिली.