MP Crime: १६ वर्षांच्या मुलाचा खून, मांस खाण्याचा प्रयत्न; आरोपी अटकेत

Madhya Pradesh Man Arrested for Killing Teen and Attempting Cannibalism in Damoh: मध्य प्रदेशच्या दामोहमध्ये एका ४६ वर्षांच्या व्यक्तीने १६ वर्षांच्या मुलाचा निर्घृण खून केला. पोलिसांनी आरोपीला अटक केली असून, तो मृतदेहाचे मांस खाण्याचा प्रयत्न करत होता.

भोपाळ: मध्य प्रदेशच्या दामोह जिल्ह्यातून एक अत्यंत धक्कादायक घटना समोर आली आहे. इथे एका ४६ वर्षांच्या व्यक्तीने १६ वर्षांच्या मुलाची हत्या केली. भारत विश्वकर्मा असं हत्या झालेल्या मुलाचं नाव आहे. या प्रकरणी पोलिसांनी गुड्डा पटेल नावाच्या ४६ वर्षीय व्यक्तीला अटक केली आहे. ही घटना नुकतीच घडली आहे. धक्कादायक म्हणजे, भारतचा खून केल्यानंतर गुड्डा पटेल त्याचं मांस खाण्याचा आणि रक्त पिण्याचा प्रयत्न करत होता, असा आरोप गावकऱ्यांनी केला आहे.

मिळालेल्या माहितीनुसार, १६ वर्षांचा भारत आपल्या बहिणीच्या घरी जात होता. त्याचवेळी आरोपी गुड्डा पटेलने मागून येऊन त्याच्या डोक्यात लोखंडी रॉडने हल्ला केला. या हल्ल्यात भारत खाली कोसळला. त्यानंतर गुड्डा पटेलने हातोडीने वार करून त्याची हत्या केली. आवाज ऐकून आजूबाजूचे लोक घटनास्थळी धावले. तेव्हा त्यांना गुड्डा पटेल मृतदेहाचे मांस खाताना आणि रक्त पिण्याचा प्रयत्न करताना दिसला. यानंतर गावकऱ्यांनी त्याला पकडून पोलिसांच्या ताब्यात दिलं. गुड्डा पटेल याआधी पत्नीच्या हत्येच्या आरोपाखाली तुरुंगात होता आणि गेल्या जानेवारीतच त्याची सुटका झाली होती. सध्या पोलीस त्याची मानसिक स्थिती तपासत आहेत.