Lok Sabha Election 2024 Second Phase Voting Updates : महाराष्ट्रात सर्वाधिक कमी 41 टक्के तर मणिपूर येथे सर्वाधिक 68.92 टक्के मतदान

लोकसभा निवडणुकीचा दुसऱ्या टप्यामध्ये संध्याकाळी 5 वाजेपर्यंत 77.53 टक्के मतदानासह त्रिपुरा आघाडीवर होते तर उत्तर प्रदेशात सर्वात कमी 52.74 टक्के मतदान झाले 

बीजेडी नेते व्हीके पांडियन नबरंगपूरमध्ये आले असता निवडणूक आयोगाच्या फ्लाईंग स्क्वाडने त्यांची कसून तपासणी केली. 

त्रिपुरामध्ये दुपारी 3 वाजेपर्यंत 68.92 टक्के मतदान झाले असून महाराष्ट्रात सर्वात कमी 43.01 टक्के मतदान झाले. 

आम्ही राजस्थानमधील लोकसभेच्या 25 जागा जिंकू असा विश्वास राजस्थानचे मंत्री राजवर्धन सिंग राठोड यांनी व्यक्त केला आहे. त्यांनी राज्यात काँग्रेसचे राज्य असताना त्यांनी लूट केल्याचा दावा केला आहे. 

लोकसभेच्या दुसऱ्या टप्प्यातील दुपारी 3 वाजेपर्यंतचे मतदान

• आसाम 60.32 टक्के
• बिहार 44.24 टक्के
• छत्तीसगढ 63.92 टक्के
• जम्मू-काश्मीर 57.76 टक्के
• कर्नाटक 50.93 टक्के
• मध्य प्रदेश 46.50 टक्के
• महाराष्ट्र 43.01 टक्के
• मणिपूर 68.48 टक्के
• राजस्थान 50.27 टक्के
• त्रिपुरा 68.92 टक्के
• उत्तर प्रदेश 44.13 टक्के
• पश्चिम बंगाल 60.60 टक्के

भारतीय क्रिकेटर मोहम्मद शमी अरमोहा येथील मतदान केंद्रावर मतदान केले आहे.

मध्य प्रदेशात दुपारी 3 वाजेपर्यंत 46.50 टक्के मतदान झाले आहे. 

राजस्थानचे उपमुख्यमंत्री आणि भाजप नेते प्रेमचंद बैरवा यांनी मतदान केले आहे. 

दुसऱ्या टप्प्यात भाजपा-जेडीएस 14 जागांवर विजय मिळवेल असा विश्वास माजी मुख्यमंत्री एचडी देवेगौडा यांनी व्यक्त केला आहे.

माजी क्रिकेटपटू जवागल श्रीनाथ यांनी मैसूर येथे मतदान केले आहे. मतदान केल्यानंतर जवागल श्रीनाथ यांनी म्हटले की, “घराबाहेर पडून मतदान करणे आपला हक्क आहे. यामुळे नागरिकांनी मतदान करावे. आतापर्यंत 50 टक्क्यांपेक्षा अधिक मतदान झाले आहे. मतदान करणे फार महत्त्वाचे आहे.”

आज लोकसभेच्या दुसऱ्या टप्प्यातील मतदान पार पडत आहे. अशातच दुपारी 1 वाजेपर्यंत कोणत्या ठिकाणी किती मतदान झाले पाहा-

• आसाम 46.31 टक्के
• बिहार 33.80 टक्के
• छत्तीसगढ 53.09 टक्के
• जम्मू-काश्मीर 42.88 टक्के
• कर्नाटक 38.23 टक्के
• केरळ 39.26 टक्के
• मध्य प्रदेश 38.96 टक्के
• महाराष्ट्र 31.77 टक्के
• मणिपूर 54.26 टक्के
• राजस्थान 40.39 टक्के
• त्रिपुरा 54.47 टक्के
• उत्तर प्रदेश 35.73 टक्के
• पश्चिम बंगाल 47.29 टक्के

अभिनेता यश याने बंगळुरुत मतदान केले आहे. 

माजी पंतप्रधान लाल बहादुर शास्री यांचा मुलगा आणि काँग्रेस नेते अनिल शास्री यांनी लोकसभा निवडणुकीसाठी मतदान केले आहे.

तिरुवनंतपुरम येथे इस्रोचे प्रमुख सोमनाथ यांनी लोकसभेसाठी मतदान केले आहे. मतदान केल्यानंतर सोमनाथ यांनी म्हटले की, “मतदान केल्याने आनंद होतोय. प्रत्येक मत महत्त्वाचे आहे. यामुळे मतदान करण्यासाठी घराबाहेर पडा.”

उत्तर प्रदेशातील बुलंदशहरातील शिरकापूर येथील पहासू ब्लॉकमधील अकरवास गावातील लोक मतदारांनी मतदानासाठी पाठ फिरवली आहे. एसडीएम शिकारपूर प्रियंका गोयल यांनी म्हटले की, एकही चांगला रस्ता तयार करण्यात आलेला नाही आणि तो पाण्याने भरला गेलाय. यामुळेच आम्ही मतदान करणार नाही. पण याआधी अशा प्रकारची तक्रार आली नसल्याचे प्रियंका गोयल यांनी म्हटले आहे.

माजी कर्नाटक मुख्यमंत्री आणि जेडीएस उमेदवार एचडी कुमारस्वामी यांनी मतदान केले आहे. 

अमरावतीच्या भाजपाच्या उमेदवार नवनीत राणांसह रवी राणांनी मतदान केले आहे. 

भाजपचे राष्ट्रीय प्रवक्ते शेहजाद पुनावाला यांनी उत्तर प्रदेशातील गौतम बुद्ध नगर येथे मतदान केले आहे. 

भाजप नेते अशोक चव्हाण यांनी नांदेडमध्ये मतदान केले आहे. मतदान केल्यानंतर अशोक चव्हाण यांनी म्हटले की, नागरिकांनी मोठ्या संख्येने मतदान करण्यासाठी यावे. लोकशाहीच्या प्रक्रियेत योगदान द्या आणि मतदान करा. कारण मजबूत सरकार आणण्यासाठी तुमचे मत फार महत्त्वाचे आहे.

कर्नाटकाचे मुख्यमंत्री सिद्धरामय्या यांनी हुंडी गावातील मतदान केंद्रावर मतदान केले आहे.

अमरावतीमधील भाजपचे उमेदवार नवनीत रवी राणा यांनी म्हटले की, "अमरावतीमध्ये दुसऱ्या टप्प्यातील मतदान सुरू आहे. मी हनुमान चालिसाचे पठण केले, माझ्या कुटुंबातील ज्येष्ठांचे आशीर्वाद घेतले... माझ्या अमरावतीमधील नागरिकांना हे माहीत आहे की मतदान भारतासाठी आहे आणि ते माझ्यासारख्या छोट्या कार्यकर्त्याला 100 टक्के आशीर्वाद देतील."

काँग्रेस खासदार आणि उमेदवार तिरुवनंतपुरम शशी थरूर यांनी मतदान केले आहे. शशी थरूर यांच्या विरोधात भाजपचे उमेदवार आणि केंद्रीय मंत्री राजीव चंद्रसेकर निवडणुकीच्या रिंगणात उभे आहेत. 

कर्नाटकचे गृहमंत्री जी परमेश्वरा यांनी लोकसभेच्या निवडणुकीसाठी मतदान केले आहे. 

राजस्थानमधील कोटा येथील भाजपाचे उमेदवार ओम बिर्ला यांनी शक्ती नगर परिसरातील मतदान केंद्रावर मतदान केले आहे. ओम बिर्ला यांच्या विरोधात प्रल्हाद गुंजाळ निवडणुकीच्या रिंगणात उभे आहेत.

केंद्रीय मंत्री आणि भाजप उमेदवार शोभा करंदलाजे यांनी बंगळुरुत मतदान केले आहे. मतदानानंतर शोभा करंदलाजे यांनी म्हटले की, देशाच्या सुरक्षितता आणि विकासासाठी पंतप्रधान नरेंद्र मोदींची गरज आहे. आम्ही आज सण साजरा करत आहोत. आमचा येथून मोठ्या फरकाने विजय होईल. बंगळुरु नॉर्थमध्ये शोभा करंदलाजे यांच्या विरोधात राजीव गोवडा निवडणुकीच्या रिंगणात उभे आहेत.

क्रिकेटर राहुल द्रविडने कर्नाटकातील बंगळुरुत मतदान केले आहे. मतदान केल्यानंतर राहुल द्रविडने म्हटले की, "सर्वांनी घराबाहेर पडून मतदान केले पाहिजे. लोकशाहीसाठी ही एक संधी आहे."

राजस्थानमधील भाजप नेत्या वसुंधरा राजे यांनी मतदान केल्यानंतर म्हटले की, “आपण यावेळी ज्या प्रकारचे मतदान पाहत आहोत त्यावरून कळते भाजपाचा पुन्हा विजय होईल. नरेंद्र मोदी पुन्हा एकदा पंतप्रधान होतील. झालावार मतदारसंघातील आमचे उमेदवार धनुष्य सिंग यांना उत्तम पाठिंबा मिळेल आणि आमचा ऐतिहासिक विजय होईल.”

केंद्रीय अर्थमंत्री निर्मला सीतारमण यांनी बंगळुरुत मतदान केले आहे. कर्नाटकात लोकसभेच्या 14 जागांसाठी मतदान पार पडत आहे.

केरळाचे मुख्यमंत्री पिनराई विजयन यांनी मतदान केले आहे. 

जालोरे लोकसभेच्या जागेवरील काँग्रस नेते वैभव गहलोत यांनी मतदान केले आहे. वैभव गहलोत यांनी म्हटले की, आम्ही संपूर्ण कुटुंबाने मतदान केले आहे. मी नागरिकांना विनंती करतो की, त्यांनीही मतदान करावे.

अभिनेते प्रकाश राज यांनी बंगळुरुतील मतदान केंद्रावर मतदान केले आहे. 

राजस्थानमधील भाजपा नेत्या वसुंधरा राजे यांनी झालावार मतदान केंद्रावर मतदान केले आहे. राजस्थानमधील 13 मतदारसंघासाठी मतदान पार पडत आहे.

केरळचे विरोधी पक्षनेते व्हीडी साठेसन यांनी लोकसभा निवडणुकीसाठी एर्नाकुलम येथील मतदान केंद्रावर मतदान केले आहे. 

केरळातील 20 मतदारसंघात आज मतदान पार पडत आहे. त्रिशूर येथील एनडीएमधील नेते सुरेश गोपी यांनी मतदान केले आहे.

इन्फोसिस कंपनीचे प्रमुख नारायण मूर्ती यांनी पत्नी सुधा मूर्तींसह कर्नाटकात मतदान केले आहे. मतदान केल्यानंतर सुधा मूर्तींनी म्हटले की, मी सर्वांना सांगू इच्छिते घरी बसून नका, घराबाहेर पडा आणि मतदान करा, तुमचा नेता निवडा. मला नेहमी वाटतं की ग्रामीण भागातील नागरिकांच्या तुलनेत शहरातील नागरिक कमी मतदान करतात. मी तरुणांना विनंती करते की बाहेर या आणि मतदान करा."

पंतप्रधान नरेंद्र मोदींनी सोशल मीडियावरील प्लॅटफॉर्म 'X' वर पोस्ट शेअर करत म्हटले की, लोकसभा निवडणुकीसाठी आज दुसऱ्या टप्प्यातील मतदारांना विनंती आहे की त्यांनी मोठ्या संख्येने मतदान करावे. जेवढे अत्याधिक मतदान होईल तेवढीच आपली लोकशाही मजबूत होईल. तरुण मतदारांसह देशातील स्रियांनाही विशेष आग्रह आहे की, मतदान करण्यासाठी पुढे यावे. तुमचे मत तुमचा आवाज आहे.

लोकसभेच्या दुसऱ्या टप्प्यातील मतदानाला सुरूवात झाली आहे. गुरुवारी प्रचार सभेच्या तोफा थंडावल्यानंतर आज देशातील 13 राज्यांमधील 89 मतदारसंघात मतदान सुरू झाले आहे.