बिर्लांच्या कार्यालयात घुसून काँग्रेस खासदारांचा धुमाकूळ, रिजिजू यांनी व्हिडिओ केला जाहिर!

Congress MPs Threaten Speaker Om Birla Kiren Rijiju Shares Video : विरोधी पक्ष आणि सरकारमधील संघर्षादरम्यान, 20-25 काँग्रेस खासदारांनी लोकसभा अध्यक्ष ओम बिर्ला यांच्या दालनात घुसून त्यांना शिवीगाळ केली आणि पंतप्रधानांना धमकी दिली.

Congress MPs Threaten Speaker Om Birla Kiren Rijiju Shares Video : संसदेत नुकत्याच झालेल्या विरोधी पक्ष आणि सरकारमधील संघर्षादरम्यान, 20-25 काँग्रेस खासदारांनी लोकसभा अध्यक्ष ओम बिर्ला यांच्या दालनात घुसून त्यांना शिवीगाळ केली आणि पंतप्रधानांना धमकी दिली, असा आरोप केंद्रीय संसदीय कामकाज मंत्री किरेन रिजिजू यांनी गुरुवारी केला.

एवढेच नाही, तर काँग्रेसच्याच लोकांनी चित्रित केलेला एक व्हिडिओ त्यांनी ट्विटरवर शेअर केला आहे. 'यावेळी काँग्रेस खासदार प्रियांका गांधीही उपस्थित होत्या. आपल्या खासदारांचे वर्तन पाहून त्या गप्प बसल्या होत्या,' असेही ते म्हणाले. मात्र, प्रियांका यांनी हा आरोप खोटा असल्याचे स्पष्ट केले आहे.

गदारोळामुळे लोकसभेचे कामकाज ठप्प

नवी दिल्ली: राहुल गांधी यांच्याविरोधात भाजप खासदार निशिकांत दुबे यांनी केलेल्या आरोपामुळे लोकसभेत विरोधकांनी मोठा गदारोळ केला, त्यामुळे कामकाज दिवसभरासाठी तहकूब करण्यात आले. यामुळे गुरुवारी कामकाज दोनदा तहकूब झाले.

राहुल गांधी देशविरोधी शक्तींच्या संपर्कात

शून्य प्रहरात बोलताना दुबे यांनी 'राहुल गांधी देशविरोधी शक्तींच्या संपर्कात आहेत' असा आरोप केला. याला प्रत्युत्तर म्हणून विरोधी खासदारांनी गदारोळ सुरू केला. परिणामी, अध्यक्षस्थानी असलेल्या टीडीपीच्या कृष्णप्रसाद टेनेटी यांनी कामकाज दिवसभरासाठी तहकूब केले.

यापूर्वी, प्रश्नोत्तराच्या तासात भारत-अमेरिका व्यापार करारावर आणि कामगार कायद्यांविरोधात विरोधकांनी घोषणाबाजी केल्यामुळे कामकाज दुपारपर्यंत तहकूब करण्यात आले होते.