LPG Price Drop : इराण-इस्रायल युद्ध पेटलेलं असतानाही LPG सिलिंडर स्वस्त! जाणून घ्या नवे दर

Commercial LPG Cylinder Prices Slashed : तेल कंपन्यांनी व्यावसायिक वापराच्या १९ किलोच्या LPG सिलेंडरच्या किमती कमी केल्या आहेत. दिल्ली, कोलकाता, मुंबई आणि चेन्नईसारख्या प्रमुख शहरांमध्ये दर घटले असून, आजपासून नवे दर लागू झाले आहेत.

एलपीजी किंमत

इराण आणि इस्रायलमध्ये युद्ध सुरू झाल्याने मध्य-पूर्व देशांमध्ये चिंतेचं वातावरण आहे. या परिस्थितीचा थेट परिणाम जागतिक बाजारपेठेवर होतो. पण या तणावाच्या काळातही आज एलपीजी सिलेंडरच्या किमती कमी झाल्या आहेत. इंडियन ऑइल कॉर्पोरेशन, एचपीसीएल आणि बीपीसीएलसारख्या भारतीय तेल कंपन्या (OMCs) एलपीजीचे दर ठरवतात.

नवे दर आजपासूनच लागू

तेल कंपन्या दर महिन्याला एलपीजी सिलेंडरच्या किमतींचा आढावा घेतात. आजपासून नवे दर लागू झाले आहेत. आज १९ किलोच्या व्यावसायिक सिलेंडरची किंमत २८ ते ३१ रुपयांनी कमी झाली आहे. हे दर प्रत्येक शहरात वेगवेगळे असतात. घरगुती वापराच्या सिलेंडरच्या दरात कोणताही बदल झालेला नाही.

दिल्लीत किती आहे किंमत?

देशाची राजधानी दिल्लीत १९ किलोच्या सिलेंडरची किंमत २८ रुपयांनी कमी झाली आहे. फेब्रुवारीमध्ये १७६८.५ रुपयांना मिळणारा व्यावसायिक सिलेंडर आता १७४०.५ रुपयांना मिळेल. फेब्रुवारी महिन्यात एलपीजी सिलेंडरच्या दरात थोडी वाढ झाली होती.

कोलकाता, चेन्नई आणि मुंबई

कोलकातामध्ये १९ किलोच्या सिलेंडरची किंमत ३१ रुपयांनी कमी झाली आहे. तिथे १८७५.५ रुपयांना मिळणारा सिलेंडर आता १८४४.५ रुपयांना उपलब्ध होईल. मुंबई आणि चेन्नईमध्ये दरात अनुक्रमे २८.5 आणि २९.5 रुपयांची घट झाली आहे.

बंगळुरूमधील एलपीजी सिलेंडरची किंमत

बंगळुरूमधील एलपीजी सिलेंडरचे दर खालीलप्रमाणे आहेत: घरगुती वापराचा १४.२ किलो सिलेंडर: ८५५ रुपये व्यावसायिक वापराचा १९ किलो सिलेंडर: १८४१ रुपये ५ किलोचा सिलेंडर: ३१८.५० रुपये ४७.५ किलोचा सिलेंडर: ४,५३२ रुपये