भाजपच्या नेत्याचे दिल्ली-मुंबई एक्सप्रेसवेवरच अश्लील कृत्य, व्हिडिओ झाला व्हायरल
सार
भाजप नेते मनोहर लाल धकाड यांचा एका महिलेसोबतचा आक्षेपार्ह व्हिडिओ व्हायरल झाल्यानंतर त्यांच्यावर गुन्हा दाखल करण्यात आला आहे. धकाड हे पांढऱ्या रंगाच्या कारमधून महिलेसोबत उतरताना आणि आक्षेपार्ह अवस्थेत दिसत आहेत.
नवी दिल्ली - एका महिलेसोबत रस्त्याच्या मधोमध अश्लील कृत्य करतानाचा व्हिडिओ व्हायरल झाल्यानंतर भाजप नेते मनोहर लाल धकाड यांच्यावर गुन्हा दाखल करण्यात आला आहे. पोलिसांनी हा व्हिडिओ पाहून एफआयआर दाखल केली आहे. मध्य प्रदेशातील मंदसौरचे मनोहर लाल धकाड हे दिल्ली-मुंबई ८ लेन एक्सप्रेसवेवर एका महिलेसोबत अश्लील कृत्य करताना दिसत आहेत. यावेळी महिला पूर्णपणे विवस्त्र असल्याचे दिसून आली. हा व्हिडिओ व्हायरल झाल्यानंतर मोठा वाद निर्माण झाला आहे.
मे १३ रोजीचा हा सीसीटीव्ही फुटेज असून धकाड यांना याची कल्पना नव्हती. ते त्यांच्या पांढऱ्या रंगाच्या कारमधून एका महिलेसोबत उतरताना दिसत आहेत. इतकेच नव्हे तर रस्त्याच्या मधोमध त्या महिलेसोबत ते अश्लील कृत्य करताना दिसत आहेत. धकाड यांच्या पत्नी मंदसौरच्या बनी गावातील वॉर्ड क्रमांक ८ च्या निवडून आलेल्या जिल्हा पंचायत सदस्य आहेत.
हा व्हिडिओ व्हायरल झाल्यानंतर धकाड यांना महासाभा युवा संघाच्या राष्ट्रीय सरचिटणीस पदावरून हटवण्यात आले आहे. भाजपनेही धकाड यांच्यापासून फारकत घेतली आहे. ते पक्षाचे प्राथमिक सदस्य नाहीत आणि ऑनलाइन नोंदणीद्वारे ते पक्षात सामील झाले होते, असे पक्षाने म्हटले आहे.