प्रॉपर्टी प्राईज राईजमध्ये बंगळुरु पहिल्या तर पुणे चौथ्या क्रमांकावर, वाचा इतर शहरांची यादी

देशातील ५० शहरांमधील मालमत्ता किमतींच्या वाढीच्या अभ्यासात बंगळुरू अव्वल स्थानावर आहे. २०२४-२५ मध्ये बंगळुरूच्या मालमत्ता किमतीत १३.१% वाढ झाली आहे असे अहवालात म्हटले आहे.

नवी दिल्ली - देशातील ५० शहरांमधील मालमत्ता किमतींच्या वाढीच्या अभ्यासात बंगळुरू अव्वल स्थानावर आहे. २०२४-२५ मध्ये बंगळुरूच्या मालमत्ता किमतीत १३.१% वाढ झाली आहे असे अहवालात म्हटले आहे. नॅशनल हाऊसिंग बँकेने केलेल्या रेसिडेक्स अहवालात बंगळुरूने अव्वल स्थान पटकावले आहे.

देशातील ५० शहरांमध्ये निवासी किंमत निर्देशांकाच्या (एचपीआय) आधारावर अभ्यास करण्यात आला असून, केरळची राजधानी तिरुवनंतपुरम आणि पश्चिम बंगालमधील हावडा येथेच मालमत्ता किमती कमी झाल्या आहेत. उर्वरित ४८ शहरांमध्ये मालमत्ता किमती वाढल्या आहेत. २०२३-२४ च्या तुलनेत २०२४-२५ मध्ये मालमत्ता किमतीत ७.५% वाढ झाली आहे असे आकडेवारी दर्शवते.

तिमाही ते तिमाही तुलना केल्यास, ५० शहरांचा निर्देशांक २०२५ च्या जानेवारी-मार्चमध्ये १.९% वाढला आहे. अहवालानुसार, बंगळुरू १३.१% किंमतवाढीसह पहिल्या स्थानावर आहे. त्यानंतर कोलकाता (९.६%), चेन्नई (९%), पुणे (६.८%), अहमदाबाद (६.१%), मुंबई (५.९%), हैदराबाद (४.८%) आणि दिल्ली (२.९%) अशी वाढ झाली आहे.

शहर किंमतवाढीचे प्रमाण
बंगळुरू १३.१%
कोलकाता ९.६%
चेन्नई ९%
पुणे ६.८%
अहमदाबाद ६.१%
मुंबई ५.९%
हैदराबाद ४.८%/
दिल्ली २.९%