बागेश्वर धाममध्ये वधूंना भरघोस हुंडा, सोन्याचे दागिने-FD, पाहा मोठी यादी

Bageshwar Dham Samuhik Vivah: मध्य प्रदेशच्या छतरपूर जिल्ह्यातील बागेश्वर धामचे प्रमुख पंडित धीरेंद्र कृष्ण शास्त्री महाशिवरात्रीनिमित्त 300 जोडप्यांचा सामूहिक विवाह सोहळा आयोजित करत आहेत.

वधूला वडिलांपेक्षा जास्त हुंडा देत आहेत धीरेंद्र शास्त्री

मध्य प्रदेशच्या छतरपूर जिल्ह्यातील बागेश्वर धाममध्ये महाशिवरात्रीनिमित्त सामूहिक विवाह सोहळा होत आहे. धीरेंद्र कृष्ण शास्त्री 305 जोडप्यांचे लग्न लावून देत आहेत. या सोहळ्याला 9 देशांचे राजदूत, अनेक मंत्री, आमदार आणि देशातील मोठे साधू-संत उपस्थित राहत आहेत. या कन्या विवाहात बाबा बागेश्वर वधूला वडिलांप्रमाणे हुंडाही देत आहेत.

हुंडा म्हणून संपूर्ण घरगुती सामान

बाबा बागेश्वर धीरेंद्र कृष्ण शास्त्री वधूला हुंडा म्हणून संपूर्ण घरगुती सामान देत आहेत. यामध्ये डबल बेड, गादी-उशी, सोफा सेट, कपाट, ड्रेसिंग टेबल, डायनिंग टेबल, मिक्सर, गॅस शेगडी आणि कपड्यांसारख्या अनेक वस्तूंचा समावेश आहे.

धीरेंद्र शास्त्री वधूला देत आहेत सोन्या-चांदीचे दागिने

धीरेंद्र शास्त्री वधूला हुंड्यात घरगुती सामानाशिवाय सोन्या-चांदीचे दागिने, जसे की मंगळसूत्र, सोन्याची नथ, कुंडल, पैंजण आणि जोडवी देत आहेत. एकूणच एका वधूला श्रृंगार आणि अडीच लाख रुपयांचे घरगुती सामान दिले जात आहे.

बागेश्वर धाम हुंड्यामध्ये एफडीही करून देत आहे

एवढेच नाही, तर वधू-वरांच्या भविष्याचा विचार करून प्रत्येक जोडप्याच्या नावे 30,000 रुपयांची एफडी देखील करून देत आहेत. अशाप्रकारे बागेश्वर धाम 300 जोडप्यांनुसार सुमारे 90 लाख रुपयांची एफडी बनवत आहे.

यंदा हुंड्यात बाईक आणि घरगुती चक्की नाही

यावेळी बागेश्वर धामकडून वधू-वरांना भेट म्हणून बाईक आणि घरगुती पिठाची चक्की दिली जात नाहीये. कारण बागेश्वर धामच्या मते, या दोन भेटवस्तूंमुळे नवीन कुटुंबाचा खर्च वाढत होता. त्यामुळे यंदा या वस्तू न देता इतर वस्तू वाढवण्यात आल्या आहेत.