Abhijit Dipke | Rohit Pawar | अभिजीत दिपकेंचा MPSC आंदोलकांना पाठिंबा

पुण्यात MPSC अध्यक्षांच्या राजीनाम्याच्या मागणीसाठी रोहित पवार आणि MPSC परीक्षार्थी आंदोलन करत असलेल्या ठिकाणी CJP प्रमुख अभिजीत दिपके पोहोचले. आंदोलक आपल्यापेक्षा जास्त शिकलेले असल्याचे सांगत दिपके यांनी, देशात डिग्री असलेले आणि शिकलेले लोक रस्त्यावर बसले आहेत, तर डिग्री नसलेले खुर्चीवर बसले आहेत, असे म्हटले. शिक्षणाची जाणीव आणि कदर नसल्यामुळे देशाची अवस्था खराब असल्याचाही दावा त्यांनी केला. दिपके यांनी रोहित पवारांच्या आंदोलनातील सहभागाचे कौतुक केले. कोणतीही निवडणूक नसतानाही रोहित पवार परीक्षार्थींसोबत बसले आहेत आणि सर्वांना एकत्र करून आंदोलन करण्यासाठी त्यांनी पुढाकार घेतल्याचे दिपके म्हणाले. आंदोलन यशस्वी करायचे असेल तर सर्वांनी एकत्र येऊन आंदोलन करणे आवश्यक असल्याचेही त्यांनी सांगितले.