Vijay Deverakonda Rashmika Mandanna wedding : रश्मिका मंदानाने तिचा बॉयफ्रेंड विजय देवरकोंडासोबत लग्न केलं आहे. २६ फेब्रुवारीला उदयपूरच्या अरवली पर्वतरांगांमधील एका हॉटेलमध्ये त्यांचा विवाहसोहळा पार पडला.
विजय देवरकोंडाच्या भावाची रश्मिकासाठी भावनिक पोस्ट
आनंद देवरकोंडाने लग्नातील एक फॅमिली फोटो शेअर करत लिहिलं, "अनेकदा चाहते जोरात विचारायचे, 'वदिना, एला उन्नारु?' (वहिनी, कशा आहात?) आणि मला काय प्रतिक्रिया द्यावी हेच कळायचं नाही. आज माझ्या भावाचं लग्न झालं आणि मला 'वदिना' म्हणून एक खूपच सकारात्मक आणि प्रेमळ व्यक्ती मिळाली आहे. ते दोघंही आयुष्यभर असेच हसत राहावेत, हीच माझी इच्छा आहे. या सुंदर प्रवासासाठी खूप खूप शुभेच्छा!"
25
काय आहे 'वदिना' शब्दाचा अर्थ?
'वदिना' हा एक तेलुगू शब्द आहे. याचा अर्थ मोठ्या भावाची पत्नी, म्हणजेच आपल्याकडची 'वहिनी' किंवा 'भाभी'. इंटरनेटवर मिळालेल्या माहितीनुसार, काही ठिकाणी पतीच्या मोठ्या बहिणीसाठीही हा शब्द वापरतात. पण आनंद देवरकोंडा आणि रश्मिका मंदानाच्या नात्यात 'वदिना' या शब्दाचा अर्थ वहिनी असाच आहे.
35
उदयपूरमध्ये रश्मिका-विजयचा शाही विवाहसोहळा
विजय देवरकोंडा आणि रश्मिका मंदाना यांनी २६ फेब्रुवारी रोजी उदयपूरमध्ये जवळचे मित्र आणि कुटुंबाच्या उपस्थितीत लग्नगाठ बांधली. त्यांनी हा सोहळा पूर्णपणे खाजगी ठेवला होता. लग्नाचे विधी २३ फेब्रुवारीपासून सुरू झाले आणि तीन दिवस सेलिब्रेशन चालले. उदयपूर शहरापासून सुमारे २५ किलोमीटर दूर अरवली पर्वतांमध्ये असलेल्या Mementos by ITC Hotels मध्ये हा विवाहसोहळा पार पडला. नैसर्गिक सौंदर्य आणि रॉयल सजावटीमुळे या सोहळ्याला चार चॉंद लागले.
लग्नाआधी विजय-रश्मिकाने चाहत्यांना एक सरप्राईज दिलं होतं. त्यांनी जाहीर केलं की त्यांच्या लग्नाला 'The Wedding of Virosh' असं नाव असेल. 'विरोश' हे नाव चाहत्यांनीच त्यांना प्रेमाने दिलं होतं, जे आता सोशल मीडियावर ट्रेंड करत आहे.
55
रश्मिका-विजयचं नातं ९ वर्ष जुनं
रश्मिका मंदाना आणि विजय देवरकोंडा यांचं नातं ९ वर्षं जुनं आहे. २०१८ मध्ये आलेल्या 'गीता गोविंदम' सिनेमाच्या सेटवर त्यांची पहिली भेट झाली. तिथेच त्यांच्यात मैत्री झाली आणि नंतर या मैत्रीचं रुपांतर प्रेमात झालं. या दोघांनी ३ ऑक्टोबर २०२५ रोजी हैदराबादमधील विजयच्या घरी एका खाजगी समारंभात साखरपुडा केला होता.
