Sonam Kapoor : दुसऱ्यांदा आई झाली सोनम, हॉस्पिटलमधून शेअर केला बाळाचा पहिला फोटो!

Sonam Kapoor Welcomes Second Son : अभिनेत्री सोनम कपूर आणि तिचा पती आनंद अहुजा पुन्हा एकदा आई-बाबा झाले आहेत. सोनमने नुकताच तिच्या नवजात मुलाचा पहिला फोटो चाहत्यांसोबत शेअर केला आहे.

Sonam Kapoor Welcomes Second Son : अभिनेत्री सोनम कपूर आणि आनंद अहुजा यांच्या घरी पुन्हा एकदा पाळणा हलला आहे. २९ मार्च रोजी सोनमने दुसऱ्या मुलाला जन्म दिला. सोनमने हॉस्पिटलमधून बाळाचे पहिले फोटो शेअर केले आहेत आणि सोबतच एच. एन. रिलायन्स हॉस्पिटलच्या टीमचे आणि तिच्या डॉक्टरांचे खास आभार मानले आहेत.

सोनम कपूर आणि पती आनंद अहुजा सध्या त्यांच्या दुसऱ्या मुलाच्या आगमनाचा आनंद साजरा करत आहेत. २९ मार्च २०२६ रोजी बाळाला जन्म दिल्यानंतर, सोनमने शुक्रवारी इन्स्टाग्रामवर हॉस्पिटलमधील काही फोटो पोस्ट केले आणि मेडिकल टीमसाठी एक भावनिक पोस्ट लिहिली.

एका फोटोमध्ये सोनम हॉस्पिटलच्या बेडवर असून, पांढऱ्या कपड्यात गुंडाळलेल्या आपल्या बाळाला प्रेमाने कुरवाळताना दिसत आहे. तर दुसऱ्या फोटोमध्ये ती हॉस्पिटलमध्ये जेवण करताना दिसत आहे.

मेडिकल टीमचे मानले आभार

आपल्या पोस्टमधून सोनमने एच. एन. रिलायन्स हॉस्पिटलच्या मेडिकल टीमचे मनापासून आभार मानले आहेत. विशेषतः, तिच्या दोन्ही प्रेग्नन्सीमध्ये मार्गदर्शन करणाऱ्या गायनॅकॉलॉजिस्ट डॉ. अवान दडिना यांचा तिने उल्लेख केला.

"आमच्या दुसऱ्या मुलाला या जगात आणण्याचा हा अनुभव खूपच छान होता. यासाठी एच. एन. रिलायन्स हॉस्पिटलचे धन्यवाद. माझ्या दोन्ही प्रेग्नन्सीमध्ये मार्गदर्शन करणाऱ्या माझ्या गायनॅकॉलॉजिस्ट डॉ. अवान दडिना यांचे विशेष आभार. त्यांच्यामुळे एक विश्वास आणि शांतता जाणवते, जी खूप दुर्मिळ आहे. त्यांच्या सपोर्ट, ज्ञान आणि दयाळूपणासाठी मी नेहमीच ऋणी राहीन," असं सोनमने लिहिलं आहे.

"नीता आंटी यांनी तयार केलेल्या या वातावरणात प्रोफेशनलिझम आणि आपुलकी दोन्ही आहे," असं म्हणत सोनमने हॉस्पिटलच्या कर्मचाऱ्यांचं कौतुक केलं. "आमची काळजी घेणाऱ्या या अद्भुत टीमचे खूप खूप आभार. मी खूप आभारी आणि धन्य आहे," असंही सोनमने पोस्टमध्ये म्हटलं आहे.

सेलिब्रिटींकडून शुभेच्छांचा वर्षाव

सोनमने ही पोस्ट शेअर करताच विकी कौशल, सोनाक्षी सिन्हा, भूमी पेडणेकर आणि संजय कपूर यांच्यासह अनेक सेलिब्रिटींनी कमेंट सेक्शनमध्ये शुभेच्छा देत हार्ट इमोजी पाठवले आहेत.

सोनम आणि आनंदबद्दल

२०१८ मध्ये एका साध्या समारंभात लग्न केलेल्या सोनम आणि आनंदने मुलाच्या जन्मानंतर लगेचच इन्स्टाग्रामवर ही गोड बातमी शेअर केली होती. या जोडप्याचा पहिला मुलगा वायू याचा जन्म २०२२ मध्ये झाला होता. सोनमने नोव्हेंबर २०२५ मध्ये तिच्या दुसऱ्या प्रेग्नन्सीची घोषणा करत बेबी बंपच्या फोटोंमधून चाहत्यांना आनंदाची बातमी दिली होती.