गायक अरिजित सिंह यांनी स्टेज स्वच्छ करून जिंकले चाहते

मुंबई: गायक अरिजित सिंह यांची गाणी न ऐकणारा कोणीच नाही. अरिजित सिंह यांची गाणी बहुतेकांच्या आवडत्या गाण्यांच्या यादीत असतात. रिअॅलिटी शोमधून आपल्या कारकिर्दीला सुरुवात करणारे अरिजित सिंह बॉलिवूडमधील सर्वाधिक मागणी असलेले गायक आहेत. रोमँटिक मेलडी असलेल्या गाण्यांसाठी अरिजित सिंह हे पहिली पसंती असतात. इतकेच नाही तर अरिजित सिंह यांच्या लाइव्ह कॉन्सर्टची तिकिटे काही क्षणातच विकली जातात. लाइव्ह कॉन्सर्टमध्ये अरिजित सिंह यांनी गायलेल्या गाण्यांचे व्हिडिओ सोशल मीडियावर प्रचंड व्हायरल होतात. त्यातही गिटार घेऊन गाताना ते उभे राहिले की श्रोते स्वतःला विसरून जातात.

अरिजित खूप लाजाळू आहेत, कमी बोलतात असे त्यांचे जवळचे लोक सांगतात. तसेच अरिजित सिंह आपल्या वैयक्तिक आयुष्यामुळेही वारंवार चर्चेत असतात. आता अरिजित सिंह यांच्या एका लाइव्ह कॉन्सर्टचा व्हिडिओ क्लिप व्हायरल झाला आहे. हा व्हिडिओ पाहून चाहते अरिजित सिंह यांच्या कृतीचे कौतुक करत आहेत. मग या व्हिडिओमध्ये काय आहे ते पाहूया.

लाइव्ह कॉन्सर्टमध्ये स्टेजच्या तीनही बाजूंनी चाहते असतात. स्टेजवर त्यांचे आवडते गायक गाणे म्हणायला सुरुवात करताच चाहते नाचायला लागतात. अरिजित सिंह आले की चाहत्यांचा उत्साह कसा असतो हे तुम्हीच अंदाज लावा.

व्हायरल व्हिडिओमध्ये तुम्ही अरिजित सिंह यांना गाणे म्हणताना पाहू शकता. अरिजित गाणे म्हणत असताना समोर उभे असलेले काही चाहते पिझ्झाचे बॉक्स आणि पेयाचे कॅन स्टेजच्या कडेला ठेवतात. हे पाहून अरिजित सिंह पिझ्झा बॉक्स आणि कॅन उचलून त्यांच्या मदतनीसाला देतात. त्यानंतर स्टेज आपल्यासाठी मंदिर आहे. त्यामुळे इथे कचरा टाकणे मला आवडत नाही असे सांगून गाणे मध्येच थांबवल्याबद्दल माफी मागतात. नंतर अरिजित सिंह आपले गाणे पुन्हा सुरू करतात.

अरिजित असे म्हणताच उपस्थित चाहते मोठ्याने ओरडून त्यांचे कौतुक करतात. सध्या हा व्हिडिओ सोशल मीडियावर वेगाने व्हायरल होत आहे. स्टेजचा आदर केल्यामुळेच तो स्टेज आजही तुम्हाला सांभाळून ठेवतो असे नेटकरी कमेंट करून आपले मत व्यक्त करत आहेत. तुमच्या साधेपणाला सलाम, सुपर, तुम्ही माझे आवडते गायक अशा शेकडो कमेंट्स या व्हिडिओला आल्या आहेत.