Actress Kajol : बॉलिवूड अभिनेत्री काजोल ५२ वर्षांची आहे. ५ ऑगस्ट १९७४ रोजी मुंबईत जन्मलेली काजोल लहानपणी खूपच गोड दिसायची. तिने १९९२ मध्ये 'बेखुदी' या चित्रपटातून पदार्पण केलं. १९९९ मध्ये अजय देवगणशी लग्न केलं. काजोलचे काही खास आणि ग्लॅमरस फोटो.
या फोटोत काजोलने तिची लहान बहीण तनीषा मुखर्जीला कडेवर घेतलं आहे. काजोलला अभिनयाचा वारसा घरातूनच मिळाला आहे. तिची आजी शोभना समर्थ, आई तनुजा, वडील शोमू मुखर्जी आणि मावशी नूतन हे सर्वजण चित्रपटसृष्टीतील मोठी नावं होती.
27
सिनेमासाठी शिक्षण अर्धवट सोडलं
आई तनुजाच्या खांद्यावर बसलेली ही लहानगी काजोल आहे. काजोलने तिच्या पहिल्या 'बेखुदी' (१९९२) चित्रपटासाठी शिक्षण अर्धवट सोडलं होतं. मात्र, तिचा हा पहिला चित्रपट बॉक्स ऑफिसवर फारसा चालला नाही.
37
बाजीगर सिनेमातून मिळाली ओळख
काजोलला खरी ओळख १९९३ मध्ये आलेल्या 'बाजीगर' या चित्रपटातून मिळाली. या सिनेमात तिच्यासोबत शाहरुख खान मुख्य भूमिकेत होता. यानंतर शाहरुख आणि काजोलची जोडी अनेक चित्रपटांमध्ये सुपरहिट ठरली.
काजोलने शाहरुख खानसोबत 'बाजीगर', 'दिलवाले दुल्हनिया ले जाएंगे', 'करण अर्जुन', 'कुछ कुछ होता है', 'कभी खुशी कभी गम' आणि 'माय नेम इज खान' यांसारख्या अनेक सुपरहिट चित्रपटांमध्ये काम केलं.
57
सर्वोत्कृष्ट अभिनेत्रीचा राष्ट्रीय चित्रपट पुरस्कार
काजोलला 'फना' (२००६) या चित्रपटातील भूमिकेसाठी सर्वोत्कृष्ट अभिनेत्रीचा राष्ट्रीय चित्रपट पुरस्कारही मिळाला. या चित्रपटात तिच्यासोबत आमिर खानने काम केलं होतं.
67
अजय देवगणसोबत लग्न
२४ फेब्रुवारी १९९९ रोजी काजोलने अभिनेता अजय देवगणसोबत लग्न केलं. या जोडप्याला न्यासा आणि युग ही दोन मुलं आहेत.
77
२०२५ मध्ये सरजमी सिनेमात दिसली
काजोल शेवटची २०२५ मध्ये आलेल्या 'सरजमीं' या चित्रपटात दिसली होती. यात तिने मेहर मेननची भूमिका साकारली होती. त्याआधी ती 'माँ' या चित्रपटात अंबिका दासगुप्ताच्या भूमिकेत दिसली होती.
