Entertainment: मुलीच्या डेटिंगबद्दल बोल्ड स्टेटमेंट केल्याने कियार झाली ट्रोल!

Entertainment: माझ्या मुलीला मी पूर्ण स्वातंत्र्य देईन. तिला हवं तितक्या मुलांसोबत डेट करू देईन. डेटिंग करताना पुढे काय होईल, याची चिंता तिला नसावी, असं वक्तव्य अभिनेत्री कियारा अडवाणीने केलं आहे.

निर्बंध लादणार नाही

'टॉक्सिक' (Toxic) या सिनेमाची अभिनेत्री कियारा अडवाणी म्हणाली की, ती तिच्या मुलीच्या डेटिंग किंवा लग्नाच्या बाबतीत कोणतीही बंधनं घालणार नाही. कियारा म्हणाली, "माझे आई-वडील त्यांच्या आयुष्यात भेटलेल्या पहिल्याच व्यक्तीच्या प्रेमात पडले आणि त्यांनी लग्न केलं."

मी त्याला माझा जीवनसाथी मानत होते

ते पाहूनच मी मोठी झाले. त्यामुळे मी ज्या पहिल्या मुलाला डेट करत होते, त्यालाच मी माझा लाईफ पार्टनर म्हणून बघत होते. त्यानंतरही मी ज्यांना डेट केलं, त्या प्रत्येकाकडे त्याच नजरेने पाहिलं. पण अखेर माझं लग्न दुसऱ्याच व्यक्तीसोबत झालं.

मी स्वातंत्र्य देईन

आता मला वाटतं की जे झालं ते किती चांगलं झालं. मी माझ्या मुलीला पूर्ण स्वातंत्र्य देईन. तिला हवं तितक्या मुलांसोबत डेट करू देईन. डेटिंग करताना पुढे काय होईल, याची चिंता तिला नसावी.

आयुष्य पूर्णपणे अनुभवावं,

अनेक पर्याय पाहिल्यानंतर तिने योग्य व्यक्तीलाच आपला लाईफ पार्टनर म्हणून निवडावं, असं बोल्ड स्टेटमेंट कियाराने दिलं आहे. 'माझ्या मुलीने तिचं आयुष्य पूर्णपणे अनुभवावं, अशी माझी इच्छा आहे,' असंही ती म्हणाली.

त्याग करू नका

माझ्यासारखं तिने लोकांना खूश करण्यासाठी स्वतःच्या आनंदाचा त्याग करू नये. तिला जे वाटतं ते थेट बोलण्याचं धाडस तिच्यात असावं. तिने सगळ्या गोष्टी न घाबरता शेअर कराव्यात. मी माझ्या मुलीला असंच वाढवेन, असं कियाराने सांगितलं.