Entertainment: 12 हिरोंनी नाकारला, पण बिग बींनी केला; या सिनेमानं रचला इतिहास!

Entertainment: अमिताभ बच्चन यांच्या 'सूर्यवंशम' सिनेमाला 27 वर्षं पूर्ण झाली आहेत. हा सिनेमा 21 मे 1999 रोजी रिलीज झाला होता. यामध्ये बिग बींनी डबल रोल केला होता. विशेष म्हणजे, बॉक्स ऑफिसवर हा सिनेमा सपशेल आपटला होता.

'सूर्यवंशम' सिनेमाला 27 वर्षं पूर्ण

1999 साली आलेला अमिताभ बच्चन यांचा 'सूर्यवंशम' सिनेमा प्रेक्षकांनी पहिल्या दिवसापासूनच नाकारला होता. बॉक्स ऑफिसवर सपशेल आपटलेल्या या सिनेमात बिग बींनी वडील आणि मुलगा अशी दुहेरी भूमिका साकारली होती.

सिनेमासाठी अमिताभ बच्चन हे पहिली पसंत नव्हते

'सूर्यवंशम' सिनेमासाठी अमिताभ बच्चन हे पहिली पसंत नव्हते. निर्मात्यांनी या भूमिकेसाठी बॉलिवूडच्या जवळपास 12 मोठ्या स्टार्सना विचारणा केली होती, पण कोणीही तयार झालं नाही. अखेर बिग बींना रोल ऑफर झाला आणि ते लगेच तयार झाले. यात दाक्षिणात्य अभिनेत्री सौंदर्या मुख्य भूमिकेत होती. तसेच जयसुधा, अनुपम खेर आणि कादर खान यांच्याही महत्त्वाच्या भूमिका होत्या.

12 हिरोंनी नाकारली होती भूमिका

'सूर्यवंशम' सिनेमासाठी सलमान खान, अनिल कपूर, सनी देओल, जॅकी श्रॉफ, गोविंदा, आमिर खान, अक्षय कुमार, अजय देवगण, सुनील शेट्टी आणि सैफ अली खान यांसारख्या कलाकारांना निर्मात्यांनी विचारणा केली होती. पण कोणीही हा सिनेमा करण्यास तयार झालं नाही. एवढ्या कलाकारांनी नकार दिल्याने निर्माते निराश झाले होते.

एक जबरदस्त रेकॉर्ड

'सूर्यवंशम' सिनेमा बॉक्स ऑफिसवर जरी चालला नाही, तरी या सिनेमानं एक जबरदस्त रेकॉर्ड आपल्या नावावर केला आहे. हा एकमेव असा सिनेमा आहे, जो टीव्हीवर 100 कोटींपेक्षा जास्त वेळा पाहिला गेला आहे. 100 कोटी व्ह्यूअरशिपसह हा सिनेमा टीव्हीवर आजही टॉपवर आहे.

सिनेमाचे बजेट आणि कलेक्शन

दिग्दर्शक ई.व्ही.व्ही. सत्यनारायण यांनी 'सूर्यवंशम' सिनेमा 7 कोटींच्या बजेटमध्ये बनवला होता. सिनेमानं बॉक्स ऑफिसवर 12.65 कोटींची कमाई केली होती. भारतात या सिनेमाची 40 लाखांपेक्षाही कमी तिकीटं विकली गेली होती, असं म्हटलं जातं. या सिनेमाला अनु मलिक यांनी संगीत दिलं होतं.

या सिनेमाचा होता रिमेक

'सूर्यवंशम' हा 1997 साली आलेल्या तमिळ चित्रपट 'सूर्या वसम'चा रिमेक होता. मूळ सिनेमात आर. सरथकुमार आणि देवयानी मुख्य भूमिकेत होते आणि तो जबरदस्त हिट ठरला होता. या सिनेमाचा तेलुगूमध्ये 'सूर्यवंशम' (1998) आणि कन्नडमध्ये 'सूर्यवंश' (1999) नावानेही रिमेक बनला होता.